Вы тут

Што цікавага паглядзець па тэлебачанні на наступным тыдні


«Лабірынты»

«Беларусь 1», з 14 мая

16-серыйная гісторыя ад рэжысёра Юрыя Уладоўскага, вядомага як аўтара «Вуліц разбітых ліхтароў», — мікс меладрамы сямейнай і крымінальнай. Галоўная гераіня — маладая паспяховая жанчына Марына. У яе жыцці ўсё нібыта добра: прэстыжная работа і паспяховая кар'ера, каханы муж і цудоўныя бацькі. Для поўнага шчасця не хапае дзіцяці. Але зацяжарыць Марына не можа, — як упэўнена яна сама, — гэта яе нябеснае пакаранне за зроблены 10 гадоў таму аборт.

Цалкам выпадкова жанчына знаёміцца ў офісе з унукам прыбіральшчыцы — хлопчыкам Сярожам, маці якога занятая толькі сабой і не цікавіцца сынам наогул. Марына спадзяецца ўсынавіць малога, але супраць гэтай ідэі катэгарычна паўстае муж, не жадаючы «прыгрэць на грудзях» невядома чые гены. У нечым ён мае рацыю, бо маці хлопчыка коціцца ўсё далей па крымінальнай сцежцы. Аднак і сам мужчына далёка не такі шчыры і прынцыповы, якім хоча здавацца...


«Практыка». Новы сезон

АНТ, з 15 мая

40-серыйны працяг медыцынскай драмы 2016 года прадстаўляе ўсё тыя ж будні правінцыйнай тульскай бальніцы і штодзённую працу ўрачоў, шчодра разбаўленую іх няпростымі ўзаемаадносінамі і «шкілетамі» ў шафах, а таксама гісторыямі пацыентаў, ад камедыйных да глыбока драматычных.

Як расказваюць стваральнікі серыяла, пасля першага сезона рэжысёр і акцёры атрымалі мноства просьбаў і нават петыцыю-патрабаванне здымаць далей, а ў сацсетках стыхійна ўзнік фан-клуб «Практыкі», удзельнікі якога прапаноўвалі варыянты працягу гісторыі. Таму нічога дзіўнага, што гэты працяг атрымаўся — нягледзячы на тое, што актрысе Ксеніі Лаўровай-Глінцы давялося здымацца на восьмым месяцы цяжарнасці (прытым цяжарнасць яе гераіні, урача Жэні, была прапісаная ў сцэнарыі задоўга да гэтага).


«Эквілібрыум»

СТБ, 20 мая

У не надта далёкай будучыні людзі змаглі ліквідаваць войны і тэрарызм, але дзеля гэтага давялося ахвяраваць эмоцыямі і пачуццямі і жыць адным толькі розумам. Музыка, кнігі, мастацтва наогул — пад забаронай, а яе парушэнне караецца смерцю.

І ўсё ж нават у гэтым лагічным свеце знаходзяцца людзі, не згодныя абядняць сваё жыццё. Яны не прымаюць лекі — блакатары пачуццяў і здольныя абудзіць парасткі чалавечнасці нават у паслухмяных інквізітарах...

Загаловак у газеце: Адным словам

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.