Вы тут

МТС запусціў паслугі 4G у новых гарадах Мінскай вобласці


Мабільны аператар МТС працягвае пашыраць геаграфію паслуг 4G. У 2018 годзе сувязь чацвёртага пакалення ўжо прыйшла ў Лагойск, Валожын, Крупкі, Мядзел, Любань і Старыя Дарогі. Акрамя таго, больш за 120 дадатковых базавых станцый LTE пачалі працаваць у населеных пунктах сталічнага рэгіёну, дзе тэхналогія з'явілася раней, тым самым узмацніўшы пакрыццё Міншчыны  сувяззю 4G.


Сетку LTE у Беларусі кампанія МТС развівае ў партнёрстве з інфраструктурным аператарам beCloud. У планах на гэты год — максімальна ахапіць сувяззю чацвёртага пакалення раённыя цэнтры і пасёлкі краіны, пашырыць ёмістасць сеткі. Плануецца, што да трэцяга кварталу 2018-га года 4G-сувязь МТС стане даступная 70% жыхароў краіны, у тым ліку ахопіць 95% гарадскога насельніцтва. Разам з павелічэннем пакрыцця LTE расце і колькасць карыстальнікаў тэхналогіі.

“Мабільны інтэрнэт карыстаецца ўсё большым попытам: сярэдні аб'ём спажытага  трафіку на аднаго абанента за апошні год у сетцы МТС вырас утрая. Павышаюцца і патрабаванні да якасці паслуг перадачы дадзеных — людзі хочуць карыстацца інтэрнэтам на высокіх хуткасцях. Каб задаволіць попыт, мы ўвесь час пашыраем магчымасці сеткі: у мінулым годзе МТС цалкам мадэрнізаваў 3G-сетку і павялічыў пакрыццё 4G-сеткі”, — паведаміў кіраўнік камерцыйнага дэпартамента МТС Мікалай Булаш.

Мабільны інтэрнэт 4G ад МТС сёння даступны жыхарам больш чым сотні гарадоў і пасёлкаў краіны, уключаючы ўсе абласныя цэнтры. Сувязь чацвёртага пакалення працуе на тэрыторыі шэрагу найважнейшых аб'ектаў рэспублікі: Нацыянальнага аэрапорта “Мінск”, Рэспубліканскага цэнтра алімпійскай падрыхтоўкі “Стайкі”, індустрыяльнага парку “Вялікі камень”, свабоднай эканамічнай зоны “Мінск”, у бальніцах, навучальных установах і на прадпрыемствах.

Надзея НІКАЛАЕВА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.