Вы тут

Традыцыйна багатым на вынікі аказаўся візіт Лукашэнкі ў Кішынёў


Засеянае поле кукурузы, планы па вырабе віна і продажах беларуска-малдаўскіх тралейбусаў у Еўрасаюз — традыцыйна багатым на вынікі і новыя задачы аказаўся візіт Прэзідэнта Беларусі Аляксандра Лукашэнкі ў гэтыя дні ў Кішынёў.


Падчас сустрэчы кіраўніка беларускай дзяржавы з прэм'ер-міністрам Малдовы Паўлам Філіпам.

Учора адбылася сустрэча кіраўніка беларускай дзяржавы і прэм'ер-міністра Малдовы Паўла Філіпа. Бакі дамовіліся, што Беларусь дапаможа Малдове ў кадравай сферы па тэхнічных спецыяльнасцях, а таксама пабудуе побач з Кішынёвам малочнатаварны комплекс на аснове беларускіх тэхналогій. У сваю чаргу малдаўскі прэм'ер заявіў, што беларуска-малдаўскія тралейбусы плануюць пастаўляць у Еўрасаюз без мытных збораў, што таксама з'яўляецца перспектыўным кірункам супрацоўніцтва.

«Дзве тысячы ліфтаў, паводле даных вашага ўрада, трэба мяняць (у Малдове — «Зв.»). Ліфты робяць у нас, прычым выйшлі з імі на касмічны ўзровень. Чаму мы не можам тут іх збіраць? Можам. Трэба аўтобусы — давайце будзем разам вырабляць», — прапанаваў Аляксандр Лукашэнка.

У той жа дзень Прэзідэнт Беларусі Аляксандр Лукашэнка і Прэзідэнт Малдовы Ігар Дадон наведалі інстытут раслінаводства «Парумбень», дзе агледзелі выстаўку сучаснай беларускай сельгастэхнікі, абмеркавалі з кіраўніцтвам інстытута развіццё супрацоўніцтва ў гэтай галіне, а затым на трактарах засеялі поле кукурузай. Прэзідэнт Малдовы выказаў упэўненасць, што ўраджай будзе добры. Таксама ён выказаў удзячнасць за бязвыплатна пастаўленыя ў Малдову беларускія трактары.

У сваю чаргу, Аляксандр Лукашэнка падкрэсліў, што Беларусь і Малдова будуць развіваць узаемадзеянне ў селекцыі насення кукурузы і іншых сельгаскультур. «Мы бачым новыя кірункі для супрацоўніцтва, у прыватнасці гэтага цэнтра вучоных Малдовы і беларускіх вучоных, і гэта мяне радуе», — сказаў беларускі лідар.

Ігар Дадон адзначыў, што большая частка вінаробнай прадукцыі з Малдовы пастаўляецца ў Беларусь. Улічваючы высокую папулярнасць малдаўскага віна, ён паабяцаў навучыць Аляксандра Лукашэнку вырошчваць вінаград. Прэзідэнт Беларусі прыняў запрашэнне і паабяцаў наведаць родныя мясціны малдаўскага лідара, калі гэта будзе атрымлівацца па графіку.

Напрыканцы візіту Беларусь і Малдова падпісалі дакументы аб развіцці супрацоўніцтва ў такіх сферах, як энергетычная, банкаўская, судовая, ахова здароўя. Так, урад Беларусі і камерцыйны банк Mоldоvа Аgrоіndbаnk заключылі дагавор аб умовах выдачы крэдытаў для набыцця ў Малдове беларускіх тавараў. Дагавор аб навукова-тэхнічным супрацоўніцтве заключаны паміж акадэміямі навук дзвюх краін. Шэраг дакументаў падпісалі і кіраўнікі беларускіх і малдаўскіх рэгіёнаў.

Вераніка ПУСТАВІТ

Фота БЕЛТА

Загаловак у газеце: Беларускія тэхналогіі — для сяброў

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.