Вы тут

Асацыяцыя еўрапейскага бізнесу правядзе сёмыя Job Shadow Days


З 14 па 23 мая студэнты сталічных ВНУ атрымаюць магчымасць бясплатна прайсці аднадзённую стажыроўку ў прыватных кампаніях. Job Shadowing  — папулярная сусветная практыка па навучанні на працоўным месцы.


Фота: letip.ru

Удзельнік ініцыятывы замацоўваецца за дасведчаным спецыялістам-ментарам і ходзіць за ім “ценем”, такім чынам пражываючы рэальны працоўны дзень.  Для студэнтаў Job Shadow Days — гэта ўнікальная магчымасць даведацца больш аб прафесіі, якую яны атрымліваюць, а таксама праявіць сябе перад верагодным працадаўцам. Ментары знаёмяць студэнтаў з філасофіяй кампаніі, прафесіянальнымі магчымасці ўнутры той ці іншай структуры. Да таго ж атрыманы досвед можа дапамагчы студэнтам скарэктаваць тэму курсавой ці дыпломнай работы, вучэбнай і пераддыпломнай практыкі.

Ментарамі ў Job Shadow Days— 2018 выступяць спецыялісты кампаній  у розных прафесійных сферах: маркетынгу, юрыспрудэнцыі, GR, HR, эканоміцы, фінансах, IT, дызайне, архітэктуры, PR і іншых. Да 23 красавіка Асацыяцыя еўрапейскага бізнесу прымае заяўкі ад кампаній, супрацоўнікі якіх хацелі б прыняць удзел у ініцыятыве. Набор студэнтаў распачнецца з 25 красавіка, калі будзе сфарміраваны спіс ментараў ад кампаній.

Прадстаўнікі бізнесу, якія ўжо раней удзельнічалі ў ініцыятыве, адзначаюць, што ментарства ў Job Shadow Days  дало ім магчымасць паглядзець на свой бізнес пад іншым вуглом, прыгадаць пачатак кар’еры і свае чаканні ад першага месца працы. Акрамя таго, ініцыятыва дае магчымасць прыцягнуць у кампанію найбольш матываваных студэнтаў са свежымі поглядамі і ідэямі. Як паказалі папярэднія Job Shadow Days, здараецца, што кампаніі ўжо пасля аднадзённага знаёмства са студэнтамі запрашаюць іх на праходжанне вытворчай практыкі, а пасля заканчэння ўніверсітэта прымаюць іх на працу.

Стаць “ценем” могуць студэнты 1-4 курсаў ВНУ розных спецыяльнасцей. Рэзюме з указаннем ментара, да якога яны хацелі б трапіць, прымаюцца па электронным адрасе: inbox@aebbel.by з 25 красавіка па 2 мая.

Надзея НІКАЛАЕВА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.