Вы тут

Прымаюцца заяўкі на конкурс сцэнарыяў ігравых фільмаў "Мая Беларусь"


Заяўкі на рэспубліканскі конкурс сцэнарыяў ігравых фільмаў "Мая Беларусь" прымаюцца па 28 мая, паведамілі ў Міністэрстве культуры.


Фота: johnlocke.org

Конкурс з'яўляецца адкрытым і праводзіцца па намінацыях: "Беларускія спартсмены", "Экранізацыя твораў сучаснай беларускай літаратуры XXI стагоддзя". У кожнай намінацыі плануецца назваць па тры пераможцы.

Да ўдзелу ў конкурсе дапускаюцца аўтары сцэнарыяў поўнаметражных фільмаў у ігравой форме - грамадзяне Рэспублікі Беларусь, а таксама замежныя грамадзяне і асобы без грамадзянства, якія пастаянна пражываюць на тэрыторыі краіны.

Для ўдзелу ў конкурсе аўтары сцэнарыяў павінны прадставіць у Міністэрства культуры ў электронным выглядзе, а таксама на папяровым носьбіце заяўку, літаратурны сцэнарый поўнаметражнага фільма ў ігравой форме або літаратурны сцэнарый першай серыі тэлевізійнага фільма ў ігравой форме і сінопсісы наступных серый на беларускай або рускай мовах. Адзін аўтар мае права падаваць на конкурс не больш за адзін сцэнарый. У пакеце дакументаў павінна быць інфармацыя аб творчай дзейнасці аўтара сцэнарыя ў сферы кінавытворчасці.

Вынікі конкурсу падвядзе камісія ў складзе спецыялістаў у сферы кіна- і тэлевытворчасці. Пераможцам па кожнай намінацыі выплачваюцца грашовыя прэміі ў памеры: за першае месца - 40 базавых велічынь, другое - 30 базавых велічынь, трэцяе - 20 базавых велічынь (1 БВ цяпер складае Br24,5).

Конкурс праводзіцца ў мэтах адбору высокамастацкіх сцэнарыяў фільмаў у ігравой форме, выяўлення і падтрымкі таленавітых аўтараў. Арганізатарамі конкурсу з'яўляюцца Міністэрства культуры і Нацыянальная кінастудыя "Беларусьфільм".

БЕЛТА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.