Вы тут

«Касмічныя планы» звераць у Мінску


Члены Асацыяцыі ўдзельнікаў касмічных палётаў (АУКП) збяруцца ў Нацыянальнай акадэміі навук. Пасяджэнне выканаўчага камітэта асацыяцыі адкрыецца ў Мінску 22 сакавіка.


У мерапрыемстве чакаецца ўдзел 10 членаў выканкама, сярод якіх касманаўты з Расіі, ЗША, Кітая, Германіі і Францыі. На пасяджэнне прыедуць і касманаўты — ураджэнцы Беларусі: прэзідэнт Федэрацыі касманаўтыкі Расіі, двойчы Герой Савецкага Саюза Уладзімір Кавалёнак, двойчы Герой Савецкага Саюза Пётр Клімук, а таксама лётчык-касманаўт, Герой Расіі Алег Навіцкі. На пасяджэнні выканкама плануецца абмеркаваць падрыхтоўку да правядзення ў Мінску ў верасні бягучага года 31-га Міжнароднага кангрэса Асацыяцыі ўдзельнікаў касмічных палётаў, куды запрошаны каля 350 чалавек, у тым ліку 150 касманаўтаў.

Усяго запланавана шэсць тэхнічных сесій з выступленнямі касманаўтаў, навукоўцаў і вядучых спецыялістаў у гэтай галіне. Госці наведаюць пляцоўкі, якія будуць задзейнічаны падчас будучага міжнароднага кангрэса.

Асацыяцыя ўдзельнікаў касмічных палётаў — міжнародная некамерцыйная арганізацыя, якая аб'ядноўвае касманаўтаў з многіх краін. Была створана ў 1985 годзе для абмену вопытам у галіне пілатаваных касмічных палётаў. Міжнародны кангрэс АУКП штогод збірае касманаўтаў, а таксама прадстаўнікоў навукова-даследчых устаноў і нацыянальных касмічных агенцтваў.

Надзея НІКАЛАЕВА

Дадаць каментар

Выбар рэдакцыі

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.