Вы тут

Каля 200 працоўных месцаў створаць у Гомелі


Каля 200 працоўных месцаў будзе створана ў велізарным цэнтры тавараў для дома «Карусель», які толькі што адкрыўся ў Гомелі. Як адзначыў намеснік старшыні Гомельскага гарадскога выканаўчага камітэта Сяргей Андрэеў, праект пачынаўся ўсяго год таму.


— На гэтым месцы стаялі металічныя гаражы і былі зараснікі кустоўя. Інвестары змаглі ў кароткія тэрміны рэалізаваць праект «пад ключ». У Гомелі такі цэнтр, дзе комплексна сабрана ўсё для таго, каб з густам абсталяваць дом, першы. Добра, што каля дзвюх соцень гамяльчан тут атрымаюць дастойную працу.

На плошчы ў 11 тысяч квадратных метраў сваю прадукцыю прадставілі каля 70 вытворцаў мэблі і элементаў дэкору з Беларусі і Расіі. Некаторыя брэнды з'явіліся ў Гомелі ўпершыню. Тут размешчана не толькі самая розная мэбля, але і прадметы інтэр'еру, тэкстыль, посуд... Гандлёвая зона мае фармат адкрытай прасторы, дзе наведвальнікам дазволена не толькі кранаць рукамі мэблю, але сядзець на ёй і нават ляжаць. Арганізатары абяцаюць, што сацыяльную значнасць будуць падтрымліваць самымі рознымі акцыямі для наведвальнікаў. 

Ірына АСТАШКЕВІЧ

Загаловак у газеце: Рукамі кранаць, на канапах ляжаць

Выбар рэдакцыі

Грамадства

Псіхолаг расказвае, як знайсці агульную мову з падлеткам

Псіхолаг расказвае, як знайсці агульную мову з падлеткам

Пераходны ўзрост не толькі выпрабоўвае на трываласць самога падлетка і яго бацькоў...

Грамадства

Час, адукацыя і заробак — тры праблемы шматдзетных маці. Як пераадольваць?

Час, адукацыя і заробак — тры праблемы шматдзетных маці. Як пераадольваць?

Памеры дзіцячых выплат бываюць нават большыя за заробак.

Грамадства

Як трэба бяспечна паводзіць сябе на лёдзе?

Як трэба бяспечна паводзіць сябе на лёдзе?

З першага зімовага лёду сёлета дадому не вярнуліся тры чалавекі.