Вы тут

Аляксандр Лукашэнка сустрэўся з Рыгорам Рапотам


Учора Прэзідэнт Беларусі Аляксандр Лукашэнка сустрэўся з дзяржаўным сакратаром Саюзнай дзяржавы Рыгорам Рапотам. Суразмоўцы закранулі і тэму прэзідэнцкіх выбараў, якія адбудуцца ў Расіі ў гэтую нядзелю. Аляксандр Лукашэнка адзначыў, што падчас такой палітычнай кампаніі актывізуюцца не толькі грамадскія, але і эканамічныя працэсы. «У Беларусі таксама мы назіраем і адчуваем гэты пульс», — падкрэсліў Прэзідэнт.


Кіраўнік дзяржавы адзначыў, што галоўнае — гэты тэмп пасля выбараў падтрымаць. Паколькі Беларусь і Расія цесна звязаныя, такая эканамічная актывізацыя ідзе нам у плюс. Аляксандр Лукашэнка адзначыў, што ёсць шэраг пытанняў, якія пасля выбараў неабходна абмеркаваць, напрыклад, у сферы ваенна-палітычнага і эканамічнага супрацоўніцтва. «Думаю, што фармат Саюзнай дзяржавы для гэтага падыходзіць, — дадаў Прэзідэнт. — Таму нам належыць абмеркаваць з вамі, якія актуальныя пытанні мы вынесем на разгляд Вышэйшага дзяржаўнага савета, і пагаварыць аб тым, калі прыкладна мы зможам яго правесці». Аляксандр Лукашэнка звярнуў увагу, што, калі атрымаецца, гэта магчыма зрабіць адначасова з візітам абранага Прэзідэнта Расіі ў Беларусь. Пры гэтым да пасяджэння неабходна, каб ведамствы і ўрады абедзвюх краін прапрацавалі адпаведныя пытанні. «Каб зноў не выносілася на ўзровень прэзідэнтаў тое, што павінны вырашаць міністры і іншыя члены ўрада».

Рыгор Рапота далажыў аб сфарміраваным парадку дня пасяджэнняў Савета Міністраў і Вышэйшага дзяржаўнага савета. Таксама на сустрэчы з журналістамі дзяржсакратар расказаў, што Аляксандр Лукашэнка падпісаў бюджэт Саюзнай дзяржавы на 2018 год. На ВДС, на думку Рыгора Рапоты, можна будзе паглядзець на перспектыву, як у далейшым фарміраваць бюджэт з улікам, напрыклад, колькасці сумесных праграм, якая расце.

Надзея АНІСОВІЧ

Загаловак у газеце: Эканамічная актывізацыя ідзе ў плюс

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...