25 Верасень, аўторак

Вы тут

Вікторыя Азаранка пераможна вярнулася ў сусветны тэнісны тур


Беларуская тэнісістка Вікторыя Азаранка пасля працяглага перапынку пераможна вярнулася ў сусветны тэнісны тур.


У першым раўндзе турніру ў амерыканскім Індыян-Уэлсе Азаранка, якая цяпер займае 204-е месца ў рэйтынгу WTА, за 1 гадзіну 43 хвіліны нанесла паражэнне 70-й ракетцы планеты брытанцы Хізэр Уотсан. Першы сет беларуска пачала вельмі ўпэўнена, калі павяла ў ліку 5:1. Пасля гэтага саперніца перахапіла ініцыятыву і скараціла разрыў да мінімуму — 5:4. Але Вікторыя сабралася і, трэці раз выйграўшы чужую падачу, перамагла — 6:4. Другая партыя прайшла па тым жа сцэнарыі: Азаранка адразу вырвалася наперад, Уотсан даганяла, але ў выніку беларуска зноў была мацнейшая — 6:2.

Пасля матча Вікторыя Азаранка сказала, што вельмі рада зноў выйсці на корт, вярнуцца і адчуць усе гульнявыя эмоцыі і дамагчыся перамогі.

У другім крузе спаборніцтваў BNР Раrіbаs Ореn Азаранка пазмагаецца з дзейнай чэмпіёнкай US Ореn амерыканкай Слоан Стывенс (13-я ў сусветным рэйтынгу).

Да гэтага турніру Вікторыя Азаранка апошні раз гуляла ў ліпені 2017 года на Уімблдоне, пасля чаго была вымушана была вырашаць праблемы, звязаныя з апекай над сваім дзіцем.

Вяртанне атрымалася ўдалым, і цяпер Азаранка працягне выступленне на кортах Індыян-Уэлса, дзе яна ў 2012 і 2016 гадах станавілася чэмпіёнкай.

Загаловак у газеце: Вікторыя Вікторыі

Дадаць каментар

Выбар рэдакцыі

Спорт

Цырымонія развітання з Анатолем Капскім прайшла ў «Барысаў-Арэне»

Цырымонія развітання з Анатолем Капскім прайшла ў «Барысаў-Арэне»

Грамадзянская паніхіда працягвалася больш за дзве гадзіны ў "Барысаў-Арэне".

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.