25 Верасень, аўторак

Вы тут

Пасол Беларусі у Кітаі Кірыл Руды прэзентаваў новую кнігу


Кніга “Таму што так вырашылі мы: паводзінская эканоміка Беларусі і яе раскадзіраванне”, якая выйшла ў Выдавецкім доме “Звязда”,  ужо паспела ўвайсці ў топ продажаў інтэрнэт-магазінаў. Манаграфія не толькі пра эканоміку, але і пра беларусаў. А менавіта — як мысленне і паводзіны грамадзян уплываюць на тэндэнцыі развіцця краіны.


Кірыл Руды больш чым паўтара гады працуе Надзвычайным і Паўнамоцным Паслом Рэспублікі Беларусь у Кітайскай Народнай Рэспубліцы. Але вядомы ён не толькі як дыпламат, але і аўтарытэтны эканаміст, навуковец і пісьменнік. Кніга “Таму што так вырашылі мы” — не дэбют для аўтара. У 2016 годзе выйшла з друку калектыўная манаграфія “Фінансавая дыета: рэформы дзяржаўных фінансаў Беларусі”. Прэзентаваны твор — працяг папярэдняга выдання. Кніга даступная чытачам не толькі на рускай мове. Для таго, каб замежныя партнёры маглі прасачыць перспектывы бізнесу ў Беларусі, выданне пераклалі на англійскую мову. Падтрымала публікацыю кнігі Арганізацыя Аб’яданных Нацый у Беларусі, Беларускі Народны Банк, Пасольства Вялікабрытаніі ў Беларусі і Прадстаўніцтва Дзіцячага фонду ААН (Юнісэф) у Беларусі.

Творчымі планамі Кірыл Руды з аўдыторыяй не падзяліўся, але акрэсліў тэмы, над якімі зараз працуе. На першым месцы, канешне, Кітай з яго багатай культурай і магчымасцямі. Сумесна з Інстытутам сацыялогіі Пасол працуе над артыкулам, прысвечаным пастцы сярэдняга ўзроўню даходаў. Карыстаючыся магчымасцю, журналісты звярнуліся да дыпламата з пытаннямі аб стане беларуска-кітайскага супрацоўніцтва. “Мы блізкія да таго, каб наша харчовая прадукцыя пайшла на кітайскі рынак. Падпісаныя кантракты. Зараз трэба вельмі дакладна іх выканаць. Гэта вялікая адказнасць”, — паведаміў Пасол. Адзначыў Кірыл Руды, што прадукцыя дрэваапрацоўкі, створаная вядучымі замежнымі кампаніямі з беларускіх матэрыялаў, пайшла ў Кітай. “Гэта добры прыклад для нашага “Беллеспаперпрама”, каб нарошчваць пастаўкі на гэты рынак. Шукаем інвестараў для індустрыяльнага парку “Вялікі камень”. 23 сакавіка ў Чэнду плануем правесці форум», — адзначыў Кірыл Руды.

Марыя ДАДАЛКА

Фота Яўгена ПЯСЕЦКАГА

Дадаць каментар

Выбар рэдакцыі

Спорт

Цырымонія развітання з Анатолем Капскім прайшла ў «Барысаў-Арэне»

Цырымонія развітання з Анатолем Капскім прайшла ў «Барысаў-Арэне»

Грамадзянская паніхіда працягвалася больш за дзве гадзіны ў "Барысаў-Арэне".

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.