Вы тут

Каля 500 чалавек стануць удзельнікамі "Беларускай лыжні -2018"


Абласное зімовае спартыўнае свята "Беларуская лыжня - 2018" пройдзе 24 лютага ў Магілёве, паведамілі ва ўпраўленні спорту і турызму Магілёўскага аблвыканкама.


Фота: prokopievsk.ru

Традыцыйна ў мерапрыемстве, якое будуць праводзіць у Пячэрскім лесапарку, прымуць удзел каля 500 чалавек. Яны прадставяць ўсе раёны вобласці, а таксама Магілёў і Бабруйск.

У праграме спаборніцтваў лыжнікаў 13 стартавых забегаў у сямі ўзроставых катэгорыях. У іх возьмуць удзел пераможцы рэгіянальных аналагічных зімовых спаборніцтваў, а таксама старшыні камітэтаў, начальнікі ўпраўленняў аблвыканкама і іх намеснікі, старшыні гаррайвыканкамаў, кіраўнікі адміністрацый і іх намеснікі.

Каманды-пераможцы ўзнагародзяць кубкамі і дыпломамі, а лепшым у асабістым заліку ўручаць медалі, дыпломы і падарункі.

Удзельнікаў свята чакаюць спартыўныя конкурсы, культурна-забаўляльная праграма, салдацкая каша і гарачая гарбата. На пляцоўцы разгорнецца выязны гандаль, будуць працаваць пункты пракату лыжаў.

Арганізатарам мерапрыемства выступае ўпраўленне спорту і турызму Магілёўскага аблвыканкама.

БЕЛТА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.