Вы тут

Выстаўка «Адукацыя і кар'ера — 2018» пройдзе ў Мінску


Як выбраць будучую прафесію і навучальную ўстанову? Што трэба ведаць і рабіць, каб знайсці працу сваёй мары? Якія прафесіі будуць запатрабаваныя ў найбліжэйшыя гады? Адказы на гэтыя і многія іншыя пытанні можна будзе знайсці на выстаўцы «Адукацыя і кар'ера — 2018», якая пройдзе 15—17 лютага ў Мінску ў выставачным павільёне на праспекце Пераможцаў, 14.


Выстаўка арганізуецца ўжо шаснаццаты раз. Яе мэта — дапамагчы абітурыентам, студэнтам і ўсім, хто цікавіцца сферай адукацыі, знайсці для сябе месца вучобы, курсы дадатковай адукацыі, праграму стажыроўкі і гэтак далей.

Мерапрыемства каштоўнае тым, што ў яго наведвальнікаў ёсць магчымасць ужывую пагутарыць з прадстаўнікамі ўстаноў адукацыі і задаць ім любыя пытанні адносна паступлення. Плюс на стэндах заўсёды працуюць актыўныя студэнты, якія раскажуць пра ўсе нюансы навучання. У гэтым годзе на выстаўцы чакаюць прадстаўнікоў з Беларусі, Расіі, Францыі, Германіі, Ізраіля. У іх можна будзе даведацца аб правілах прыёму ў замежныя ВНУ, умовах пражывання і праграмах абмену.

Так, Ізраільскі культурны цэнтр пры пасольстве Дзяржавы Ізраіль у Рэспубліцы Беларусь праводзіць 15 лютага з 12 да 13 гадзін сустрэчу для вучняў старшых класаў і выпускнікоў школ на тэму «Вышэйшая адукацыя і жыццё студэнтаў у Ізраілі».

А 17 лютага з 11 да 13 гадзін будзе арганізаваны экскурс у сферу ІТ «Прафесіі будучыні. TеstDrіvе ў ІT», падчас якога спікеры раскажуць, якія ўніверсітэты яны скончылі, што ў іх за плячыма і што яны рабілі ў студэнцкія гады, каб дамагчыся поспеху.

Усе тры дні на выстаўцы будзе працаваць інтэрактыўная пляцоўка «Не святыя гаршкі лепяць» — своеасаблівая вітрына рабочых прафесій, дзе пройдуць найцікавейшыя майстар-класы: «Выраб дэкаратыўнай ружы з металу», «Саломапляценне. Сувеніры з саломкі», «Лепка з салёнага цеста», «Выраб фігурак з масцікі», «Разумны дом» і іншыя.

Мінскі дзяржаўны прафесійна-тэхнічны каледж швейнай вытворчасці арганізуе дэманстрацыю калекцый
тэатра мод «Адважнае рашэнне», Мінскі гарадскі педагагічны каледж — творчую майстэрню «Незвычайнае
ў звычайным», а Мінскі дзяржаўны прафесійны ліцэй № 10 будаўніцтва — майстар-клас «Выраб драўлянай развіццёвай цацкі для дзяцей ад трох гадоў. «Цуда-канструктар».

Час работы выстаўкі: 15 і 16 лютага з 10 да 18 гадзін, 17 лютага — да 15 гадзін.

Надзея НІКАЛАЕВА

Загаловак у газеце: Першы крок да паспяховай кар'еры

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.