Вы тут

Беларусь і Іран распрацавалі план супрацоўніцтва на 2018-2020 гады


Беларусь і Іран распрацавалі дарожную карту двухбаковага супрацоўніцтва на 2018-2020 гады. Пра гэта паведаміў журналістам міністр прамысловасці, шахтаў і гандлю Ірана Махамад Шарыятмадары па выніках першага дня 14-га пасяджэння змешанай беларуска-іранскай камісіі па пытаннях эканамічнага супрацоўніцтва ў Тэгеране.


"У камісіі ёсць дарожная карта для развіцця двухбаковага супрацоўніцтва ў розных галінах палітыкі, інвестыцый, гандлю, прамысловасці, транспарту, сельскай гаспадаркі, аховы здароўя, адукацыі, навукі, тэхнікі і энергетыкі", - сказаў Махамад Шарыятмадары.

Міністр таксама адзначыў павелічэнне тавараабароту паміж дзвюма краінамі, заявіўшы, што ёсць намер давесці яго да $500 млн.

14-е пасяджэнне змешанай беларуска-іранскай камісіі па пытаннях эканамічнага супрацоўніцтва праходзіць у Тэгеране 22-23 студзеня. Беларускую дэлегацыю на мерапрыемстве ўзначальвае міністр прамысловасці Віталь Воўк.

БЕЛТА

Дадаць каментар

Выбар рэдакцыі

Грамадства

Надзея для Вары

Надзея для Вары

Калi хварэюць блiзкiя, гэта заўсёды гора, але няма гора большага, чым калi хварэюць дзецi. 

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.