Вы тут

Экіпаж «МАЗ-СПОРТаўта» ўпершыню выйграў этап марафону «Дакар»


Каманда Сяргея Вязовіча фінішавала з вынікам 5 гадзін 14 хвілін 10 секундаў. Другім да фінішу прыйшоў аргенцінскі экіпаж Федэрыка Вілагры на Іveco з вынікам 5 гадзін 15 хвілін 34 секунды. Ён жа выйшаў на першае месца ў агульным заліку грузавікоў. Трэцім стаў экіпаж Дзмітрыя Сотнікава (Расія) з каманды «КАМАЗ-Майстар».


— На фінішы першага хуткаснага ўчастка даведаліся, што апярэджваем фаварытаў заезду на тры хвіліны, вырашылі дадаць у тэмпе і апошнія 20 км ехалі на ўсю моц. Рызыка стала апраўданая: беларусы ўпершыню ў сваёй гісторыі перамаглі на этапе гэтай гонкі, — расказаў Сяргей Вязовіч.

Беларускі экіпаж Вязовіча займае пасля 11 этапаў трэцяе месца ў агульным заліку ралі-рэйду.

Экіпаж Аляксандра Васілеўскага заняў 17-е месца на 11-м этапе — 9 гадзін 56 хвілін, каманда Аляксея Вішнеўскага завяршыла заезд на 18-м радку, выдаткаваўшы на спецучастку больш за 10 гадзін. Падчас гонкі беларусам давялося ліквідаваць праблемы з кампрэсарам і мяняць два колы.

Спецучастак наступнага 12-га этапу таксама абяцае быць няпростым. Яго працягласць складзе 523 км. Гоншчыкаў чакаюць камяністыя адрэзкі, на якіх лёгка пашкодзіць аўтамабіль. Пры гэтым лімітавая засяроджанасць спатрэбіцца не толькі ад пілотаў, але і ад штурманаў.

Нагадаем: беларускія гоншчыкі ўдзельнічаюць у ралі-рэйдзе «Дакар» сёмы раз.

Дар'я ЛАБАЖЭВІЧ

lobazhevich@zviazda.by

Загаловак у газеце: Рызыка апраўдана

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.