Вы тут

Дэкларацыя саміту "Усходняга партнёрства" адпавядае чаканням Беларусі


Падагульняючая дэкларацыя саміту "Усходняга партнёрства" адпавядае чаканням Беларусі, накіравана ў будучае і не змяшчае канфрантацыйнай рыторыкі. Аб гэтым заявіў журналістам міністр замежных спраў Беларусі Уладзімір Макей па выніках саміту.


"Саміт сапраўды адбыўся, і я лічу, што гэта быў адзін з самых паспяховых самітаў. Таму што ўпершыню за апошнія гады была прынята без асаблівых спрэчак заключная дэкларацыя саміту. Дэкларацыя, як мы ў свой час і прапаноўвалі партнёрам, адпавядае нашым чаканням, яна накіравана ў цэлым у будучае. У тым плане, што яна не змяшчае канфрантацыйнай рыторыкі, не накіравана супраць трэціх дзяржаў, якія таксама пільна глядзяць за развіццём ініцыятывы "Усходняе партнёрства", - сказаў міністр.

У цэлым, паводле слоў Уладзіміра Макея, саміт прайшоў на пазітыўнай ноце. "Мы зрабілі адпаведнае выступленне, у якім абазначылі наша бачанне перспектыў развіцця сітуацыі ў рэгіёне, перспектыў будаўніцтва светапарадку. Расказалі аб ініцыятывах, якія былі ў свой час вылучаны кіраўніком беларускай дзяржавы, і аб тым, чаму неабходна акцэнтаваць увагу на гэтых ініцыятывах і развіваць іх", - адзначыў ён.

Адбыўся таксама шэраг двухбаковых сустрэч міністра з кіраўнікамі дэлегацый краін ЕС і краін-партнёраў па ініцыятыве "Усходняе партнёрства", у час якіх абмеркаваны пытанні развіцця двухбаковых адносін і ўзаемадзеянне з Еўрасаюзам.

БЕЛТА

Дадаць каментар

Выбар рэдакцыі

Грамадства

Як перазімаваць без праблем?

Як перазімаваць без праблем?

У гэтыя дні ў Беларусі праходзіць пажарна-прафілактычная акцыя «За бяспеку разам». 

Культура

Іна Афанасьева: 50 гадоў — усе мае, і яны мне падабаюцца!

Іна Афанасьева: 50 гадоў — усе мае, і яны мне падабаюцца!

Шчаслівыя людзі рэдка пахваляюцца на ўвесь свет сваімі пачуццямі. 

Грамадства

Аляксандр Чарвякоў. «Усебеларускі стараста»

Аляксандр Чарвякоў. «Усебеларускі стараста»

Ён стаў кі­раў­ні­ком рэс­пуб­лі­кі ў 28 га­доў. Праз дзе­ся­ці­год­дзе "ла­пат­ная Бе­ла­русь" ужо ме­ла на­цы­я­наль­ны ўні­вер­сі­тэт, Ака­дэ­мію на­вук і раз­ві­тую гас­па­дар­ку.