Вы тут

У доследным рыбгасе «Белае» заканчваецца чарговы рыбны сезон


У доследным рыбгасе «Белае» заканчваецца чарговы рыбны сезон. Рыбакі кожны дзень спяшаюцца на сваю блакітную ніву: да маразоў ім неабходна вылавіць з нагульных і нераставых сажалак усю рыбу — ад малька да буйной, таварнай рыбы. У «Белым» знаходзіцца болей за сорак такіх сажалак. З ранку і да ночы свой працоўны час рыбаводы праводзяць у халоднай вадзе — гэтага патрабуе спецыфіка іхняй прафесіі. Спачатку рыбакі цягнуць невады, потым сачкамі грузяць рыбу ў спецыяльныя ёмістасці і адпраўляюць на іншыя сажалкі — зімавальныя. Таварную рыбу — карпа і шчупака, белага амура і таўсталобіка — вязуць на сартавальную станцыю, а потым прадукцыя з «Белага» трапляе на прылаўкі кірмашоў і крам.


Рыбгас «Белае» — адна з амаль дваццаці рыбных гаспадарак краіны. Ён знаходзіцца паблізу возера з гэткай жа назвай — Белае. Гэта адзін з найстарэйшых рыбгасаў, яго гісторыя пачыналася яшчэ да рэвалюцыі. Потым гаспадарка ўваходзіла ў камуну, а яшчэ пазней рыбакі працавалі ў арцелях. Сёння «Беламу», як і іншым гаспадаркам, працаваць нялёгка, але свой унёсак ва ўраджай блактных ніў ён робіць дастойна — сёлета тут вылавілі амаль чатырыста тон рыбы.

У гаспадарцы працуюць дзве брыгады. Той, якую мне давялося здымаць, кіруе Юрый Сулкоўскі — спецыяліст трэцяга разраду. У калектыве шмат гадоў працуюць Аляксандр Пузенка, Аляксандр Сулкоўскі, Яўген Літвіновіч, Аляксандр Еўдакімаў — усе яны нашчадкі рыбацкіх дынастый і суседзі з пасёлка Азёрны.

Анатоль КЛЯШЧУК, фота аўтара

Жыткавіцкі раён

Загаловак у газеце: Жніво на «Белым»

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...