Вы тут

Шуневіч: Узровень злачыннасці ў Беларусі штогод зніжаецца на 6-8%


Паведаміў міністр унутраных спраў Ігар Шуневіч на першым пасяджэнні грамадскага савета пры МУС у новым складзе.


Фота: БЕЛТА

Узровень злачыннасці ў краіне зніжаецца чацвёрты год запар - штогод на 6-8 працэнтаў. "Ідзе ўпэўненая дэкрыміналізацыя грамадства, я маю на ўвазе ў першую чаргу цяжкія і асабліва цяжкія злачынствы. Стала менш забойстваў, менш цяжкіх цялесных пашкоджанняў, у тым ліку ў быце", - сказаў Ігар Шуневіч. Толькі ў гэтым годзе дзякуючы прафілактыцы сямейнага насілля ўдалося захаваць жыцці 40 чалавек.

Стала менш нарказлачынстваў, хуліганстваў, нанясення цялесных пашкоджанняў, якія ўчыняюцца ў грамадскіх месцах. Павялічылася колькасць махлярстваў. Больш выяўляецца карупцыйных злачынстваў. Гэта тлумачыцца ў першую чаргу эфектыўнасцю работы адпаведных службаў - не толькі МУС, але і КДБ, Генпракуратуры.

У цэлым аператыўная абстаноўка і грамадскі парадак знаходзяцца пад поўным кантролем, адзначыў Ігар Шуневіч. У той жа час, паводле яго слоў, большую ўвагу неабходна ўдзяліць пытанням прафілактыкі. У сувязі з гэтым ён прапанаваў грамадскаму савету пры МУС разгледзець эфектыўнасць дзеяння закона аб асновах дзейнасці па прафілактыцы правапарушэнняў.

У Акадэміі Міністэрства ўнутраных спраў Беларусі сёння праходзіць першае пасяджэнне грамадскага савета пры МУС у новым складзе. Грамадскі савет пры МУС створаны ў сакавіку 2013 года. Ён з'яўляецца кансультацыйным органам, які прыцягваецца да абмеркавання найбольш важных аспектаў дзейнасці органаў унутраных спраў, а таксама прызначаны выбудоўваць канструктыўны дыялог паміж праваахоўнікамі і грамадскасцю. У яго склад уваходзяць прадстаўнікі айчыннай навукі, культуры і мастацтва, кіраўнікі буйнейшых прадпрыемстваў і грамадзянскіх аб'яднанняў.

БЕЛТА

Дадаць каментар

Выбар рэдакцыі

Культура

Альманах маладых рэжысёраў нацыянальнай кінастудыі: чаго чакаць?

Альманах маладых рэжысёраў нацыянальнай кінастудыі: чаго чакаць?

«Беларусьфільм» загаварыў пра зборнік кароткаметражак маладых рэжысёраў яшчэ тады, калі гэта было толькі ідэяй.

Грамадства

Сямейныя пары з Глыбокага ў новым праекце расказваюць свае гісторыі

Сямейныя пары з Глыбокага ў новым праекце расказваюць свае гісторыі

​Тут ўжо паўгода доўжыцца сямейны праект «Заўтра было каханне». 

У свеце

Чаму «закіпела» Зімбабвэ?

Чаму «закіпела» Зімбабвэ?

Сёлетні лістапад у Зімбабвэ насамрэч увайшоў у гісторыю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Некалі ў нашых вёсках людзі былі маладзейшыя. Ва ўсякім разе амаль усе яны трымалі кароў.