23 Верасень, нядзеля

Вы тут

Фінал канферэнцыі "Я ў свеце творчасці" пройдзе 15 лістапада


Арганізатарамі мерапрыемства выступаюць гімназія-каледж мастацтваў імя І.В. Ахрэмчыка, Нацыянальны інстытут адукацыі і выдавецтва "Аверсэв".


Канферэнцыя праводзіцца з мэтай развіцця ў школьнікаў цікавасці да праектна-даследчай і творчай дзейнасці ў наступных намінацыях: "Музычнае мастацтва"; "Выяўленчае мастацтва", "Харэаграфічнае мастацтва" і "Тэатральнае мастацтва". Удзельнікі размяркоўваюцца па двух узроставых групах: навучэнцы V-VIII і IX-XI класаў.

У дыстанцыйным этапе канферэнцыі, які завяршыўся 20 кастрычніка, узялі ўдзел  200 навучэнцаў устаноў агульнай сярэдняй адукацыі з розных рэгіёнаў краіны.

У фінале пераможцы павінны абараніць свой мультымедыяпраект. Абарона можа суправаджацца ігрой на музычным інструменце, вакалам, паказам тэатральнага ўрыўка, пластычнай кампазіцыі, дэманстрацыяй уласных твораў жывапісу, графікі, скульптуры або дэкаратыўна- прыкладнога мастацтва.

Вочны этап і ўрачыстая цырымонія ўзнагароджання пераможцаў пройдуць у гімназіі-каледжы мастацтваў імя І. В. Ахрэмчыка (г. Мінск, вул. Макаёнка, 14).

Фіналісты Рэспубліканскай навукова-практычнай канферэнцыі навучэнцаў "Я ў свеце творчасці" будуць адзначаны дыпломамі I, II, III ступені і каштоўнымі прызамі: гэта восем планшэтаў "Samsung Galaxy Tab 9.6", а таксама наборы вучэбнай літаратуры выдавецтва "Аверсэв".

Надзея НІКАЛАЕВА

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.