20 Люты, аўторак

Вы тут

Белдзяржуніверсітэт скарыў чарговы рэйтынг


БДУ ўпершыню ўвайшоў ва ўплывовы амерыканскі рэйтынг вядучых універсітэтаў свету «Bеst Glоbаl Unіvеrsіtіеs» і стаў адзінай беларускай ВНУ сярод універсітэтаў, што там ранжыруюцца.


БДУ заняў у рэйтынгу 668 месца сярод 1250 найлепшых універсітэтаў свету (а ўсяго ў свеце налічваецца больш
за 30 000 устаноў вышэйшай адукацыі). Сярод еўрапейскіх універсітэтаў БДУ займае 301 месца. Акрамя прысутнасці ў асноўным рэйтынгу, БДУ таксама ўвайшоў у прадметны рэйтынг па фізіцы і заняў высокае 238 месца сярод вядучых універсітэтаў па гэтым профілі.

Варта адзначыць, што рэйтынг вядучых універсітэтаў свету, які складаецца амерыканскім агенцтвам U.S. Nеws & Wоrld Rероrt, вылучаецца жорсткімі крытэрыямі адбору і ацэньвае навуковую дзейнасць універсітэтаў, публікацыйную актыўнасць іх супрацоўнікаў, частату цытавання іх навуковых работ, а таксама сусветную і рэгіянальную навуковую рэпутацыю. Найбольш высокія паказчыкі з 13 крытэрыяў, што аналізаваліся, БДУ прадэманстраваў у катэгорыі «навуковыя публікацыі ў міжнароднай калабарацыі», заняўшы 22 месца ў свеце! Гэта стала магчыма дзякуючы высокай ступені інтэграванасці даследаванняў, якія вядуцца ў БДУ, у міжнародныя праекты, у тым ліку ў эксперыменты на Вялікім адронным калайдары, дзе актыўны ўдзел прымаюць вучоныя Навукова-даследчага інстытута ядзерных праблем
і фізічнага факультэта БДУ.

А ўзначальваюць рэйтынг амерыканскія ВНУ — Гарвардскі ўніверсітэт (першае месца ў свеце), Масачусецкі інстытут тэхналогій (другое) і Стэнфардскі ўніверсітэт (трэцяе). Найлепшымі еўрапейскімі ВНУ названыя Оксфардскі (пятае месца) і Кембрыджскі ўніверсітэты (сёмае), а таксама Каралеўскі каледж Лондана (у яго сямнаццатая пазіцыя).


Для даведкі

БДУ займае высокія месцы ў многіх уплывовых міжнародных рэйтынгах (QS, THЕ, Wеbоmеtrісs, SІR, U-Multіrаnk і іншых), стабільна трапляючы ў 1—2 працэнты найлепшых універсітэтаў свету. Напрыклад, у рэйтынгу QS Wоrld Unіvеrsіtу Rаnkіngs 2017/18 БДУ займае высокае 334 месца.

У 2017 годзе Белдзяржуніверсітэт упершыню ўвайшоў у найстарэйшы і адзін з самых прэстыжных сусветных рэйтынгаў — Шанхайскі прадметны рэйтынг універсітэтаў АRWU 2017 года па фізіцы і заняў там месца ў групе 401—500. Таксама Белдзяржуніверсітэт застаецца адзінай беларускай ВНУ, якая ўвайшла ў прэстыжны брытанскі рэйтынг THЕ (Tіmеs Hіghеr Еduсаtіоn).

Надзея НІКАЛАЕВА

nіkаlаеvа@zvіаzdа.bу

Загаловак у газеце: Хто вышэйшы ростам?

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?