Вы тут

Васілёвы сасна і бяроза


Каля вёскі Плянта Салігорскага раёна растуць пераплеценыя паміж сабой сасна і бяроза. Сюды часта прыязджаюць цікаўныя, каб сфатаграфавацца на фоне гэтага помніка прыроды. Па мясцовай традыцыі прыпыняюцца тут і вяселлі, маладыя абдымаюць дрэвы: лічыцца, што шлюб будзе навекі! Гэтыя дрэвы знайшоў мясцовы жыхар Васіль ТАТАРЫЦКІ паўвека таму.

— Яны раслі на ўскраіне балота, сярод хмызняку, — успамінае Васіль Канстанцінавіч. — Я якраз высякаў дубцы, каб зрабіць падушку пад стог сена, і ўбачыў гэтыя дзівосныя «абдымкі». Пашкадаваў, не стаў чапаць зусім маладзенькія дрэўцы. І іншым забараняў чыніць шкоду гэтай закаханай пары. Так яны і раслі, мацнелі...

Але два гады таму ўраган зламаў бярозу, пакінуўшы толькі тоўсты камель, які абвіваў сасну. Захавальнік гэтага месца дзядзька Васіль спадзяецца, што пры такой моцнай падтрымцы пакалечанае дрэва пусціць новыя маладыя галінкі і гісторыя незвычайнай вернасці працягнецца.


Анатоль КЛЯШЧУК, фота аўтара

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра дастаўку шафы, пасажыра вярхом на памідоры і канцэрт Віктара Вуячыча.