25 Верасень, аўторак

Вы тут

Жураўлі адлятаюць у вырай


Беларуская восень з жураўліным клінам у паднябессі – самая прыгожая! Пасля непрацяглага адпачынку на балоце Ельня журавы, якія прыляцелі са Скандынавіі,  Балтыйскіх краін і поўначы Расіі, зноў збіраюцца ў далёкую дарогу ў цёплыя краі. Разам з імі паляціць і беларуская папуляцыя журавоў. Недзе на поўдні Францыі, Іспаніі альбо ў афрыканскіх Егіпце і Судане будзе праходзіць птушыная зімоўка.


На бліжэйшых ад Ельні палях цяпер шчыруюць тысячы пар шэрых журавоў. Іхнія пранізлівыя галасы абуджаюць маўклівую восенькую прастору на кіламетры. З гоманам яны паднімаюцца ў неба і аддуль дасылаюць сваё адвечнае “курлы-курлы", наганяючы ў душах людзей святочна-журботны настрой.

Мне давялося паназіраць жураўліную “тусоўку” ў Мёрскім раёне. Яшчэ з вечара нагледзеў прыдатнае месца на засеяным полі з журавамі, спадзяючыся, што назаўтра яны зноў апусцяцца на гэтае ціхае месца. І мой разлік цалкам спраўдзіўся! Раніцай, яшчэ ў прыцемках, я быў ужо на полі і пачаў чакаць асцярожных птушак. Як толькі пачало віднець, з Ельні пацягнуліся адзін за адным жураўліныя кліны.

І вось ужо над самай галавою даносяцца іх рэзкія і хрыплыя  пазыўныя, а самі яны апускаюцца на поле. Некоторыя з іх прызямляюцца далей, за пагоркам, іншыя блізка, амаль побач. Птушкі падыходзілі на край поля, дзе я стаіўся. Мне пашанцавала зазірнуць у дзівосны свет птушак перад іхняй дарогай у няблізкі свет.

Колькі дзён яшчэ будуць гасцяваць жураўлі на Ельні, ніхто дакладна не ведае. Аднойчы птушкі пакінулі гэты край у дваццатых чыслах кастрычніка. Усё залежыць ад надвор’я - ад таго, калі настануць першыя замаразкі.   

Анатоль Кляшчук

Фота аўтара 

Дадаць каментар

Выбар рэдакцыі

Спорт

Цырымонія развітання з Анатолем Капскім прайшла ў «Барысаў-Арэне»

Цырымонія развітання з Анатолем Капскім прайшла ў «Барысаў-Арэне»

Грамадзянская паніхіда працягвалася больш за дзве гадзіны ў "Барысаў-Арэне".

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.