20 Люты, аўторак

Вы тут

Прырост запасаў нафты ў Беларусі да 2020 года складзе 3 млн т


Прырост запасаў нафты ў Беларусі да 2020 года складзе 3 млн т, паведаміў міністр прыродных рэсурсаў і аховы навакольнага асяроддзя Андрэй Худык.


"З улікам праведзеных геолага-разведачных работ чакаецца, што да 2020 года прырост запасаў нафты складзе 3 млн т і будуць выяўлены новыя ўчасткі, перспектыўныя для здабычы вуглевадароднай сыравіны. У бягучай пяцігодцы працы па пошуку новых пакладаў вуглевадародаў будуць працягнутыя з прымяненнем новых метадаў і тэхналогій , якія паспяхова прымяняюцца ў краінах СНД - бурэнне свідравін пад выбухі, вібрацыйная сейсмаразведка", - сказаў Андрэй Худык.

Ён адзначыў, што пошук радовішчаў нафты - працяглы і затратны працэс. "Далёка не ўсе пошукавыя свідравіны прыводзяць да адкрыцця пакладаў нафты. Па статыстыцы, на тры-пяць "сухіх" свідравін прыходзіцца адна паспяховая. Свідраванне адной свідравіны займае ў сярэднім паўгода. Да таго, як знайсці радовішча нафты з дастатковымі запасамі, неабходна правесці пошукавыя работы, гэта значыць знайсці нафтаносную структуру і падрыхтаваць яе да глыбокага бурэння. Магчымыя выпадкі, калі пасля разбурвання структура не пацвярджаецца, бывае, структура ёсць, а калектар адсутнічае. Гэта - задача з многімі невядомымі, прадбачыць, будзе нафта ці не, немагчыма ", - дадаў міністр.

У Беларусі адкрыта 83 радовішчы нафты і газавага кандэнсату. Усе яны размешчаны ў межах Прыпяцкага прагіну (Гомельская вобласць).

БЕЛТА

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?