Вы тут

Пройдзе пасяджэнне рабочай групы па перавозках кантэйнернымі цягнікамі


Першае пасяджэнне Сумеснай рабочай групы пройдзе 17-19 кастрычніка ў г. Чжэнчжоў (Кітай). Дэлегацыю Беларускай чыгункі ўзначаліць першы намеснік начальніка дарогі Ігар Шылаў, паведамілі ў прэс-цэнтры магістралі.


Фота: zp.ua

Стварэнне сумеснай рабочай групы прадугледжана палажэннямі артыкула 8 Пагаднення паміж чыгункамі Кітая, Беларусі, Расіі, Германіі, Казахстана, Манголіі і Польшчы аб паглыбленні супрацоўніцтва па арганізацыі кантэйнерных цягнікоў у зносінах Кітай — Еўропа, падпісанне якога завяршылася 20.04.2017 у Мінску.

Дакумент садзейнічае далейшаму павелічэнню долі чыгуначнага транспарту на рынку грузавых перавозак, эканамічнаму развіццю краін, садзейнічае ўмацаванню гандлёвых сувязяў, а таксама спалучэнню планаў па развіцці інфраструктуры.

Удзельнікі Пагаднення дамовіліся сумесна нарошчваць аб'ёмы перавозак, актывізаваць дзейнасць па стварэнні тэрмінальна-складскіх, пагрузачна-разгрузачных аб'ектаў лагістычнай інфраструктуры, удасканальваць арганізацыю перавозак, укараняць найноўшыя тэхналогіі для скарачэння часу ў дарозе. Таксама падтрымліваць распрацоўку канкурэнтаздольных скразных ставак на перавозкі грузаў у саставе кантэйнерных цягнікоў у зносінах Кітай — Еўропа ў рамках заканадаўства сваiх дзяржаў і прыкладаць намаганні да стварэння адзіных стандартаў абслугоўвання.

Беларуская чыгунка разглядае развіццё перавозак кантэйнернымі цягнікамі ў зносінах з Кітаем у якасці стратэгічных і найбольш перспектыўных. Лік кантэйнерных цягнікоў, якія курсіруюць паміж Кітаем і Заходняй Еўропай, на працягу апошніх гадоў стабільна расце.

Колькасць кантэйнерных цягнікоў, якія прайшлі транзітам па Беларускай чыгунцы за 9 месяцы года з Кітая ў Еўропу, склала 1109 цягнікоў (161,7% да аналагічнага перыяду 2016 г.) а з Еўропы ў Кітай — 759 цягнікоў (201,9% да аналагічнага перыяду 2016 г.).

Са жніўня 2017 года ў рамках пераарыентацыі часткі патоку на іншыя беларуска-польскія памежныя пераходы пачата развіццё транзітных перавозак кантэйнерных цягнікоў Кітай — ЕС — Кітай праз памежны пераход Брузгі/Кузніца.

Сярэдняя маршрутная хуткасць кантэйнерных цягнікоў павялічана ў параўнанні з нарматыўным графікам руху цягнікоў на 2015/2016 гады і складае 1160 км/суткі. За кошт аптымізацыі тэхналогіі пропуску маршрутная хуткасць асобных кантэйнерных цягнікоў па Беларускай чыгунцы ад станцыі Краснае (дзяржграніца з Расіяй) да Брэста дасягае 1400 км/суткі.

На станцыі Брэст-Паўночны (спецыялізуецца пераважна на апрацоўцы вагонапатокаў напрамку Захад — Усход) працягласць апрацоўкі ў кантэйнернага цягніка ў кірунку Захаду —  Усход скарочана з 10 гадзін да 9 гадзін (з перагрузам).

На станцыі Брэст-Усходні (спецыялізуецца пераважна на апрацоўцы вагонопотока ў кірунку Усход — Захад) працягласць апрацоўкі кантэйнернага цягніка ў кірунку Усход — Захад скарочана з 6 гадзін 40 хвілін да 6 гадзін (без перегруза).

Беларуская чыгунка сумесна з Дзяржаўным мытным камітэтам праводзіць работу па скарачэнні часу здзяйснення мытных аперацый, звязаных з электронным транзітным дэклараваннем.

У рамках міжнародных мерапрыемстваў рэгулярна праводзяцца рабочыя сустрэчы па пытаннях курсіравання кантэйнерных цягнікоў у кірунку Кітай — Еўропа — Кітай як у Кітаі, так і на тэрыторыі РБ, у тым ліку уключаючы рэкламныя мерапрыемствы.

Зацікаўленыя прадпрыемствы і арганізацыі Беларусі маюць магчымасць ажыццяўляць экспарт знешнегандлёвых грузаў у розныя рэгіёны Кітая з захаваннем найкарацейшых тэрмінаў дастаўкі (не больш за два тыдні) па аптымальным графіку курсіравання з прадстаўленнем шырокага комплексу транспартна-лагістычных паслуг.

Сяргей РАСОЛЬКА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра дастаўку шафы, пасажыра вярхом на памідоры і канцэрт Віктара Вуячыча.