23 студзеня, аўторак

Вы тут

Вядомыя беларусы з дзецьмі зняліся ў відэакліпе з зарадкай для вачэй


Гэта стала магчымым дзякуючы праекту Беларускага дзіцячага фонду і кампаніі velcom "Я бачу!". Ролік прадстаўляе комплекс з 8 практыкаванняў, а іх выкананне ператворана ў вясёлы працэс, паведамляе каардынатар праектаў БДФ Юлія КАПЦЭВІЧ.


Такім чынам бацькам нагадваюць аб неабходнасці штодзённага клопату аб зроку. Зоркамі роліка сталі тэле- і радыявядучыя Яўген Перлін, Марына Грыцук, Наталля Радзіна, Таццяна Сулімава, блогеры і лідары меркаванняў Арына Лісецкая і Багдан Каравец з жонкай Аленай, тэатральны акцёр Раман Падаляка, трэнер баскетбольнага клуба "Цмокі" Аляксандр Куль з сям’ёй, мастак і ілюстратар Надзея Бука, камерцыйны дырэктар Telegraf.by Ілля Іваноў, кіраўнік сямейнага інклюзіў-тэатра "i" Ірына Кісялёва. Большасць з іх — бацькі, а многія і шматдзетныя, а таму ім неабыякава, як дапамагчы дзецям зняць напружанне і стомленасць з вачэй. Да здымкаў далучыліся выхаванцы дзіцячага дома сямейнага тыпу Рудніцкіх, урач-афтальмолаг Гомельскай цэнтральнай гарадской дзіцячай клінічнай паліклінікі Елізавета Рыбакова.

— Восем вельмі простых практыкаванняў досыць эфектыўныя, — справіцца з імі можа нават малое дзіця, і для гэтага не патрэбны трэніроўкі і спецпадрыхтоўка, што і даказалі ўдзельнікі здымак, —заўважае начальнік аддзела карпаратыўных камунікацый velcom Вячаслаў СМІРНОЎ. — Абсалютна кожны можа знайсці пяць хвілін у дзень на іх выкананне. І, магчыма, тады падчас будучых абследаванняў школьнікаў у межах праекта "Я бачу!" дзеці парадуюць нас здаровым зрокам.       

Да канца года мабільныя брыгады ўрачоў-афтальмолагаў, аснашчаныя неабходным абсталяваннем, правядуць агляд 14 тысяч дзяцей з 14 раёнаў Гомельскай вобласці. "Я бачу!" — маштабны сацыяльны праект па дыягностыцы і аказанні афтальмалагічнай дапамогі дзецям з сельскай мясцовасці ў розных абласцях. 

Святлана БАРЫСЕНКА

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей.