26 Верасень, серада

Вы тут

Упершыню выходзіць у масавы пракат фільм у беларускім агучванні


У Беларусі ўпершыню выходзіць у масавы пракат фільм у беларускім агучванні, паведамілі арганізатары.


Фота: culture.ru

Прэм'ерны фільм "Шторм: пісьмы агню" (Нідэрланды) будзе ісці ў шасці кінатэатрах Мінска на працягу амаль двух тыдняў - з 27 кастрычніка па 8 лістапада, а ў лістападзе ў іншых гарадах Беларусі.

Фільм "Шторм: пісьмы агню" (2017) расказвае гісторыю 500-гадовай даўніны. У атмасферы позняга сярэднявечча, на фоне вогнішчаў інквізіцыі, разгортваецца гісторыя ратавання рукапіса Марціна Лютэра, вядомага хрысціянскага багаслова і рэфарматара. Галоўную ролю ў ёй наканавана выканаць 12-гадоваму Шторму Вотэну. Ці здолее ён уберагчы каштоўнае пісьмо ад знішчэння, а свайго бацьку, кнігавыдаўца Клааса Вотэна, ад інквізіцыі? Даведацца аб гэтым будзе цікава як юным, так і дарослым гледачам.

"Фільм "Шторм: пісьмы агню" - гэта перш за ўсё прыгодніцкая карціна. Аднак адсылкі да гістарычных фактаў, якія ў ім змешчаны, не толькі фарміруюць цікавы сюжэт, але і пераклікаюцца з важнымі падзеямі нашай гісторыі, у прыватнасці, з 500-годдзем беларускага кнігадрукавання. Таму сімвалічна, што фільм, прысвечаны гэтым падзеям, упершыню на сучасным этапе развіцця беларускага кінапракату будзе прадстаўлены адразу ў беларускім агучванні", - лічыць начальнік аддзела карпаратыўных камунікацый кампаніі velcom Вячаслаў Смірноў. 

Прэм'ера фільма "Шторм: пісьмы агню" адбудзецца 27 кастрычніка. Кожнага гледача чакае не толькі цікавая гісторыя, але і прыемныя сюрпрызы, непасрэдна звязаныя з двума вялікімі юбілеямі гэтага года: 500-годдзем Рэфармацыі і 500-годдзем беларускага кнігадрукавання.

Паказ карціны арганізаваў праект "Беларускія ўік-энды" сумесна з velcom і "Атлант Тэлекам".

БЕЛТА

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.