23 Верасень, нядзеля

Вы тут

Міліцэйскую аперацыю прыйшлося правесці ў Петрыкаўскім раёне


Міліцэйскую аперацыю прыйшлося правесці ў Петрыкаўскім раёне, каб злавіць грамадзяніна, які спакусіўся на два спінінгі і іншыя рыбалоўныя прылады аднаго з мясцовых жыхароў, расказаў афіцыйны прадстаўнік УУС Гомельскага аблвыканкама Ігар Грышкевіч.


У вёсцы Снядзін у інваліда нехта выдзер дошкі з веранды, каб украсці вуды. Для рыбака, які жыве ў аддаленасці ад райцэнтра, гэта цэлае гора. У кола падазраваных трапіў 28-гадовы мясцовы жыхар, які нядаўна вярнуўся на волю пасля калоніі строгага рэжыму. Мужчына здагадваўся, што яго будуць шукаць, і прымаў меры канспірацыі. Праваахоўнікі некалькі дзён спрабавалі злавіць злодзея, але той пры сустрэчы знікаў у зарасніках і хмызняках. Урэшце, як паведаміў оперупаўнаважаны аддзела крымінальнага вышуку Петрыкаўскага РАУС Яўгеній Жукавец, прыйшлося арганізаваць аблаву з сабакам. Міліцыянеры і дружыннікі прадбачліва акружылі населены пункт адразу з некалькіх бакоў. Менавіта гэта прынесла плён. Калі зладзюжку спужалі ў адным месцы, ён выскачыў у іншым — проста на аператыўнікаў. Цяпер выкрадальнік вудаў атрымае не толькі за крадзеж. У «залік» яму пойдзе і непагашаная судзімасць.

Ірына АСТАШКЕВІЧ

іost@zvіazda.by

Загаловак у газеце: Прайшла аблава на «ваўка»

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.