Вы тут

Беларускія гарналыжныя курорты ўвайшлі ў ТОП-10 СНД


Сілічы, Лагойск і Якуцкія горы ўвайшлі ў спіс найлепшых месцаў для зімовага адпачынку. Рэйтынг прадстаўлены аналітычным агенцтвам ТурСтат па выніках аналізу звестак аб ранніх бронях сістэм анлайн-браніравання сродкаў размяшчэння турыстаў у зімовы сезон 2017—2018 года.


У першую тройку зімовых курортаў краін СНД для гарналыжнага адпачынку і снаўбордынга, папулярных у турыстаў, уваходзяць Шымбулак (Казахстан), Шахдаг (Азербайджан) і Сілічы (Беларусь). Далей ідуць Цахкадзор (Арменія), Чымган (Узбекістан), Каракол (Кыргызстан), Лагойск (Беларусь), Туфандаг (Азербайджан), Алтайскія Альпы (Казахстан). Замыкаюць дзясятку Якуцкія горы (Беларусь).

Танней за ўсё зімовы адпачынак абыдзецца на Чымгане, а даражэй за ўсё — на Шымбулаку. Турыстычны бюджэт адпачынку, уключаючы пражыванне і харчаванне, складзе ў Сілічах, Лагойску і Якуцкіх гарах да $85 у суткі, а на Шымбулаку — больш за $100 у суткі. Зімовы адпачынак на гарналыжных курортах краін СНД плануюць працягласцю ад 7 да 10 дзён.

Дар'я ЛАБАЖЭВІЧ

lobazhevich@zviazda.by

Загаловак у газеце: Нашы гарналыжныя курорты ў ТОП-10 СНД

Дадаць каментар

Выбар рэдакцыі

Эканоміка

Хто купляе каралеўскую птушку?

Хто купляе каралеўскую птушку?

Фазанавая ферма ў Гродзенскім раёне павялічвае кола спажыўцоў.

Грамадства

Дакладныя адказы наконт дзяржаўных дапамог сем'ям

Дакладныя адказы наконт дзяржаўных дапамог сем'ям

Напярэдадні Дня маці Міністэрства працы і сацыяльнай абароны правяло анлайн-канферэнцыю «Дзяржаўная падтрымка сем'яў, якія выхоўваюць дзяцей.