Вы тут

У Наваполацку пачалі выкарыстоўваць заглыбленыя кантэйнеры


Тэхналогія заглыбленага назапашвання і часовага захоўвання бытавога смецця зручная і эканамічна абгрунтаваная. Дзякуючы палімерным матэрыялам эксплуатацыя разлічана на дзесяцігоддзі.


— Асноўны прынцып гэтага метаду заключаецца ў вертыкальным размяшчэнні кантэйнера, які на 2/3 знаходзіцца пад зямлёй, — кажа галоўны інжынер Біямехзавода бытавых другасных рэсурсаў Вадзім КУЛЯШОЎ. — У Расійскай Федэрацыі мы закупілі за кошт сродкаў абласнога бюджэту 17 такіх кантэйнераў. Тэхналогія захоўвання смецця ў іх у першую чаргу зніжае затраты на абслугоўванне. Адзін заглыблены кантэйнер аб'ёмам 5 метраў кубічных замяняе 4—6 звычайных металічных, што павялічвае аб'ём сабранага смецця і змяншае колькасць разгрузак. Інтэрвал руху смеццявозаў павялічваецца, а гэта спрыяльна адбіваецца на кошце абслугоўвання.

Канструкцыя кантэйнераў дазваляе зменшыць плошчу, якую яны займаюць. Дыяметр люка для загрузкі адходаў невялікі — 500 мм, ёсць накрыўка, якая выключае распаўсюджванне смецця па ўсёй тэрыторыі. Асноўная частка бака знаходзіцца пад зямлёй, а значыць, падтрымліваецца пастаянная тэмпература, смецце не замярзае зімой і не гніе летам. Немагчыма і гарэнне смецця — ёсць сістэма пажаратушэння. Адсутнічаюць староннія пахі, выключаецца магчымасць трапляння ападкаў.

Зараз падыходзяць да завяршэння ўпарадкаванне і падрыхтоўка да эксплуатацыі кантэйнерных пляцовак. Яны будуць мець сучасныя дызайн і эстэтычны выгляд. Вакол кантэйнераў лёгка падтрымліваць чысціню.

Для выгрузкі смецця прадпрыемства набывае ўніверсальны смеццявоз у камплектацыі з спецыяльнай устаноўкай, канструкцыя якой дазваляе нават не пад'язджаць ушчыльную да месца
выгрузкі.

Святлана БАРЫСЕНКА

protas@zviazda.by

Загаловак у газеце: Чыста, эканамічна і... не пахне

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра дастаўку шафы, пасажыра вярхом на памідоры і канцэрт Віктара Вуячыча.