Вы тут

«Захад-2017» вачамі дзяцей


Юныя мастакі не засталіся абыякавыя да беларуска-расійскіх манеўраў.

У той час як на айчынных палігонах і ў суседняй дзяржаве нашы вайскоўцы разам з братамі-расіянамі ўдасканальвалі сваю баявую падрыхтоўку, вучэннем «Захад-2017» жылі і маленькія беларусы. Сваё бачанне ваенных манеўраў яны адлюстравалі з дапамогай фарбы і алоўкаў.


На конкурс малюнкаў «Наша армія моцная!», аб'яўлены ваенным інфармацыйным агенцтвам «Ваяр», свае работы дасылалі дзеці ад 3 да 12 гадоў. Мастацкія творы ацэньваліся ў дзвюх узроставых катэгорыях, у чатырох намінацыях: «Салдацкія будні», «Хачу ў арміі служыць!», «Цяжка ў вучэнні, лёгка ў баі» і «Армія будучыні». Свае сілы ў конкурсе малюнкаў, выкананых у рознай мастацкай тэхніцы, паспрабавалі 57 дзяцей.

Самы юны канкурсант — Іван Агранаў — падаў на суд журы нават не адну сваю работу. Адзін з малюнкаў трохгадовага мастака зрабіў яго пераможцам у намінацыі «Салдацкія будні». На цырымонію ўзнагароджвання ён прыйшоў з бацькамі. Як прызналася маці хлопчыка, Юлія Агранава, яна сама служыць у арміі, таму пра вайсковую тэматыку мастак-пачатковец ведае не па чутках.

— Відаць, плануеце аддаць дзіця ў мастацкую школу? — цікаўлюся ў бацькоў.

— Наўрад ці, Ваня ўжо сабраўся ў сувораўскае вучылішча! — агучвае сынавы мары тата Дзмітрый.

Та­кой су­час­ныя дзе­ці ба­чаць ар­мію.

Знаёмімся з іншымі лаўрэатамі конкурсу, у якім, здаецца, удзельнічалі ледзь не ўсе чацвёртакласнікі мінскай сярэдняй школы №17. Адзін з іх — Цімафей Латушка — нават атрымаў спецыяльны прыз ад вядучага аўтамабільнай рубрыкі «Пятае кола» «Белорусской военной газеты» Аляксандра Іванова. Цімафей марыць стаць мастаком. Прызнаецца, што самалёты, верталёты, іншая ваенная тэхніка — адны з любімых аб'ектаў яго творчасці, таму нават не раздумваў, прымаць удзел у конкурсе альбо не.

Акрамя галоўных узнагарод, ваенным інфармацыйным агенцтвам былі ўручаны яшчэ два спецыяльныя прызы. Яны дасталіся Ксеніі Уласавай за малюнак «Зрабі правільны выбар!», а таксама Уладзіславу Салаўёву, сувенір ручной работы ў выкананні якога прысвечаны беларускай арміі. Увогуле, ніхто з канкурсантаў не застаўся без падарунка.

Са­мы юны ўдзель­нік кон­кур­су Іван АГ­РА­НАЎ  атрым­лі­вае па­да­ру­нак.

— Такое маштабнае мерапрыемства, як вучэнне «Захад-2017», мы не маглі пакінуць у жорстка афіцыйным баку, — адзначыў намеснік начальніка агенцтва «Ваяр» — галоўны рэдактар друкаваных СМІ Ігар КАНДРАЛЬ. — За месяц да пачатку манеўраў мы аб'явілі мастацкі конкурс. Дзеля таго, каб дзеці (а ў іх самы чысты погляд на навакольнае асяроддзе) ацанілі тое, што адбывалася на палігонах. Большасць малюнкаў — вельмі пазнавальныя і цікавыя. Уражвае, што адгукнулася нямала дзяцей, прычым з розных рэгіёнаў Беларусі.

Карына Краснапольская, якая вучыцца ў чацвёртым класе 139-й мінскай школы, перамагла ў намінацыі «Цяжка ў вучэнні, лёгка ў баі» ва ўзроставай катэгорыі ад 8 да 12 гадоў. Дзяўчынка не саромеецца: малюе яна прыгожа. Ёсць у каго вучыцца — у сям'і з выяўленчым мастацтвам сябруе бабуля Карыны. Сваім малюнкам, на якім адлюстраваны людзі і верталёты, школьніца хацела сказаць аб тым, што «наша краіна будзе заўсёды моцнай і прыгожай, што нас ніхто ніколі не пераможа».

Вераніка КАНЮТА

kanyuta@zvіazda.by

Фота Уладзіміра БЛІНОВА

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...