24 Верасень, панядзелак

Вы тут

Беларуская інтэграваная сэрвісна-разліковая сістэма запрацуе ў 2018 г.


Беларуская інтэграваная сэрвісна-разліковая сістэма (БІСРС) пачне працаваць 1 ліпеня 2018 года, паведаміў міністр сувязі і інфарматызацыі Сяргей Папкоў.


Фота: БЕЛТА

"Тэрмін у нас - 1 ліпеня 2018 года сістэма павінна пачаць працаваць", - сказаў Сяргей Папкоў.

Праект дасць магчымасць забяспечыць замену ўнутранага пашпарта грамадзяніна Беларусі на ID-картку. Яна стане паўнацэнным сродкам ідэнтыфікацыі грамадзян.

Міністр расказаў, што першы этап рэалізацыі праекта практычна завершаны. "Мы падрыхтавалі ўжо тэхнічнае заданне, у бліжэйшы час - дзень-два - міжведамасная рабочая група "ўзаконіць" яго. І тады будзе аб'яўлены конкурс на распрацоўку апаратна-праграмнага комплексу БІСРС", - растлумачыў ён.

Паводле слоў Сяргея Папкова, у тэставым рэжыме сістэму плануецца запусціць у красавіку. "З 1 ліпеня пачнецца камерцыйная эксплуатацыя БІСРС, да гэтага тэрміну першыя карткі мы пачнём ужо выдаваць. Гэтым будзе займацца МУС. Сістэма магутная, складаная, патрэбны час, каб яе апрабаваць", - адзначыў ён.

Міністр нагадаў, што ID-картка будзе мець дзве асноўныя функцыі - заменіць беларускі пашпарт, а таксама стане ключом-доступам грамадзяніна для атрымання розных відаў электронных адміністрацыйных паслуг. "Такія карткі ёсць у многіх краінах свету, і калі будуць прыняты адпаведныя міжурадавыя пагадненні, па ID-картцы можна будзе перасякаць граніцы нашай краіны. Акрамя таго, у далейшым картка зможа замяніць розныя віды дакументаў, напрыклад, вадзіцельскае пасведванне", - паведаміў ён.

БЕЛТА

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.