Вы тут

Беларусь аператыўна інфармуе грамадскасць аб вучэнні "Захад-2017"


Беларусь аператыўна і адкрыта інфармуе грамадскасць аб змесце і параметрах вучэння "Захад-2017". Аб гэтым сёння журналістам заявіў начальнік дэпартамента міжнароднага ваеннага супрацоўніцтва Міністэрства абароны Беларусі - памочнік міністра абароны па пытаннях міжнароднага ваеннага супрацоўніцтва Алег Воінаў.


Прадстаўнікі Мінабароны рэгулярна сустракаюцца з прадстаўнікамі СМІ і падрабязна інфармуюць прэсу аб розных аспектах вучэння. Брыфінг, прысвечаны "Захад-2017", прайшоў нядаўна на пасяджэнні Камітэта намеснікаў пастаянных прадстаўнікоў дзяржаў - членаў НАТА ў штаб-кватэры альянсу ў Бруселі. Гэтыя і іншыя мерапрыемствы, як падкрэсліў Алег Воінаў, служаць "праяўленнем транспарэнтнасці і адкрытасці".

Беларусь запрасіла для назірання за вучэннем прадстаўнікоў міжнародных арганізацый: ААН, АБСЕ, Арганізацыі Паўночнаатлантычнага дагавора, СНД, АДКБ, Міжнароднага камітэта чырвонага крыжа, а таксама ваенна-дыпламатычнага корпуса замежных дзяржаў, акрэдытаваных пры пасольствах сваіх краін у Беларусі - усяго больш як 80 чалавек, нагадаў Алег Воінаў.

Як паведамлялася, вучэнне "Захад-2017" будзе шырока асвятляцца ў СМІ. Журналісты ў перыяд яго актыўнай фазы - 17-19 верасня - змогуць выехаць на палігоны, дзе будуць праводзіцца розыгрышы ваенных дзеянняў: Ружанскі, Асіповіцкі і Даманава. Акрамя таго, з 14 верасня запланаваны штодзённы брыфінг для акрэдытаваных журналістаў афіцыйнага прадстаўніка Міністэрства абароны аб задачах, якія вырашаюцца ў ходзе вучэння, - па выніках кожнага дня.

Паводле даных МЗС, паступіла беспрэцэндэнтная колькасць зваротаў ад замежных СМІ з просьбай аб акрэдытацыі на вучэнне - каля 270. Заяўкі атрыманы ад інфармагенцтваў, выданняў і тэлеканалаў з усіх суседніх краін, а таксама Вялікабрытаніі, Германіі, Даніі, Канады, Нідэрландаў, Нарвегіі, ЗША, Турцыі, Фінляндыі, Францыі, Швецыі. Вучэнні будуць асвятляць і журналісты з Катара, Рэспублікі Карэя, Японіі. Чакаецца, што на вучэнні прыедуць і ваенныя наглядальнікі з Латвіі, Літвы, Польшчы, Украіны, Эстоніі, Швецыі і Нарвегіі.

"Захад-2017" пройдзе 14-20 верасня на тэрыторыі Беларусі і трох палігонах Расіі (Лужскі, Стругі Чырвоныя і Праўдзінскі).

БЕЛТА

Дадаць каментар

Выбар рэдакцыі

Грамадства

Перадабортнае кансультаванне — гэта перш за ўсё клопат пра жанчыну

Перадабортнае кансультаванне — гэта перш за ўсё клопат пра жанчыну

У ліпені ў Мінску ў трох паліклініках — 10-й, 23-й і 37-й — былі адкрыты кабінеты «За жыццё», дзе праводзяць перадабортнае кансультаванне.

Грамадства

Наколькі складана ў нашай краіне стаць кандыдатам і доктарам навук?

Наколькі складана ў нашай краіне стаць кандыдатам і доктарам навук?

Ці лічыце вы мэтазгодным устанаўленне адзіных патрабаванняў да саіскальнікаў вучоных ступеняў па колькасці апублікаваных навуковых работ незалежна ад галіны навукі?

Культура

«Не выбірай жонку ў агародзе, а шукай у карагодзе»

«Не выбірай жонку ў агародзе, а шукай у карагодзе»

Фалькларыст і этнахарэограф Сяргей Выскварка ведае, што кажа. 

Грамадства

Ці ўсім быць вундэркіндамі?

Ці ўсім быць вундэркіндамі?

Сучасныя малыя ведаюць алфавіт, але не ўмеюць гуляць.