Вы тут

Назарбаеў плануе ў лістападзе наведаць з афіцыйным візітам Беларусь


Прэзідэнт Казахстана Нурсултан Назарбаеў плануе ў лістападзе наведаць з афіцыйным візітам Беларусь. Пра гэта паведаміў сёння Надзвычайны і Паўнамоцны Пасол Казахстана ў Беларусі Ергалі Булегенаў на прэс-канферэнцыі, прысвечанай 25-годдзю ўстанаўлення дыпламатычных адносін паміж дзвюма краінамі.


Фота: kapital.kz

Па словах дыпламата, візіту кіраўніка дзяржавы будзе папярэднічаць пасяджэнне сумеснай міжурадавай камісіі, якое пройдзе 22 верасня ў Карагандзе. "Пасяджэнню надаецца значнасць і таму, што ў лістападзе чакаецца афіцыйны візіт Прэзідэнта Казахстана Нурсултана Назарбаева ў Мінск", - сказаў Ергалі Булегенаў.

Ён дадаў, што абодва бакі зацікаўлены нарошчваць ўзаемаадносіны і не спыняцца на дасягнутым, таму на мерапрыемстве разгледзяць увесь комплекс беларуска-казахстанскага ўзаемадзеяння. "Там будзе абмяркоўвацца развіццё супрацоўніцтва па ўсіх напрамках: не толькі ў прамысловасці і сельскай гаспадарцы, але і ў спорце, культуры, адукацыі, навуцы", - адзначыў пасол.

Падчас пасяджэння міжурадкамісіі плануецца разгледзець дакументы, якія будуць падпісаны ў час візіту Нурсултана Назарбаева ў Беларусь, выпрацаваць новыя напрамкі супрацоўніцтва.

БЕЛТА

Дадаць каментар

Выбар рэдакцыі

Грамадства

Надзея для Вары

Надзея для Вары

Калi хварэюць блiзкiя, гэта заўсёды гора, але няма гора большага, чым калi хварэюць дзецi. 

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.