24 Люты, субота

Вы тут

Што цікавага паглядзець па тэлебачанні на наступным тыдні


Што: «Яды, або Сусветная гісторыя атручванняў»

Дзе і калі: МІР, 11 верасня ў 4.00

Ніколі — чуеце, ніколі не пачынайце задушэўных гаворак з незнаёмцамі. Асабліва калі ваш выпадковы суразмоўнік, з выгляду звычайны пенсіянер, мае мілую звычку насіць з сабой у чамаданчыку ўзоры самых страшных атрут усіх часоў і народаў...

Вось герой карціны Карэна Шахназарава, акцёр Алег Волкаў, засмучаны здрадай жонкі з суседам — слесарам Арнольдам, не прыслухаўся да ціхага голасу інтуіцыі і ў хмельнай крыўдзе адкрыўся перад невядомым. А ў выніку патрапіў наўпрост у шэрагі Клуба Вялікіх Атрутнікаў, у кампанію да Нерона, Калігулы, прадстаўнікоў сямейства Борджыа, Кацярыны Медзічы ды іншых высакародных злачынцаў... Што цяпер рабіць? У новага знаёмага Алега адказ вельмі просты: зразумела, атруціць здрадніцу, яе каханка, ну і цешчу разам з імі. Тым больш, знакамітыя папярэднікі могуць даць шмат карысных парад на гэты конт. На мяжы рэальнага і ўяўнага ледзь-ледзь здагадваешся: крыміналу — быць, ці ўвесь гэты экскурс у сусветную гісторыю атручванняў уражліваму акцёру толькі прысніўся?


Што: «Экспрэс-камандзіроўка»

Дзе і калі: «Беларусь 1», 15 верасня ў 22.00, 16 верасня ў 6.35 і 17 верасня ў 7.15

У чым хараство міні-серыялаў? Па жаданні гледача, іхнія 4—8 эпізодаў можна альбо «праглынуць» за адзін вечар, альбо расцягнуць на некалькі дзён. Тэлеканалы найчасцей прапануюць другі варыянт — як і ў выпадку з гэтай чатырохсерыйнай гісторыяй.

Дачка алігарха, уладальніка выдавецкага холдынга Каця Ігнацьева працуе на прадпрыемстве бацькі. Ну, як працуе — чыста фармальна займае даволі высокую пасаду. Але пры гэтым адчайна прагне пацвердзіць сваю кампетэнтнасць — нездарма ж яна вывучылася на крызіснага менеджара. Аднойчы такая магчымасць выпадае: раённы штодзённы часопіс, які ўваходзіць у холдынг, знаходзіцца на мяжы закрыцця з-за нерэнтабельнасці. Дзяўчына выпраўляецца ў камандзіроўку на месца, каб за месяц аднавіць паспяховую работу выдання і даказаць бацьку, што ёй можна давяраць сур'ёзныя праекты. Але яна не здагадваецца, што неўзабаве адбудзецца сустрэча, якая цалкам зменіць усе загадзя збудаваныя планы...


Што: «Навучы жонку руліць»

Дзе і калі: «Беларусь 2», з 9 верасня па суботах і панядзелках

Жанчына за рулём — невычарпальная тэма для анекдотаў, ролікаў у інтэрнэце і наогул мужчынскіх кпінаў. Альбо выклік для сапраўды моцных духам мужчын, якія рызыкнуць выступіць для сваіх каханых інструктарамі па ваджэнні — прычым у рэальных гарадскіх умовах і не на вучэбным, а на ўласным аўто.

У кожным выпуску рэаліці-шоу бяруць удзел дзве сямейныя пары, якім за тры дні ў экстрэмальных умовах трэба прайсці вадзіцельскі майстар-клас і здаць іспыт прафесійнаму гоншчыку. Пара-пераможца, якая пройдзе не толькі тэст-драйв, але і выпрабаванне пачуццяў, атрымлівае ўнушальны грашовы прыз.

Дадаць каментар

Выбар рэдакцыі

Грамадства

Надзея для Вары

Надзея для Вары

Калi хварэюць блiзкiя, гэта заўсёды гора, але няма гора большага, чым калi хварэюць дзецi. 

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.