26 Верасень, серада

Вы тут

Што цікавага паглядзець па тэлебачанні на наступным тыдні


Што: «Некалькі зманлівых дзён»

Калі і дзе: МІР, 30 жніўня ў 23.10

Картачны шулер Георгій выпадкова выйграе ў свайго боса па мянушцы Антыквар вялікую суму грошай і вырашае «завязаць» з крымінальным мінулым ды пачаць новае жыццё, што называецца, з чыстага ліста. Аднак сотня тысяч долараў — важкая прычына, каб набыць у асобе былога боса магутнага ворага і сур'ёзна непакоіцца за сваё жыццё...

Зрэшты, бяда прыходзіць знянацку і зусім з іншага боку. Шлях Георгія выпадкова перасякаецца на начной трасе з маршрутам Сені — сына дыпламата, які ў адсутнасць бацькоў вядзе надзвычай вольнае жыццё і пасля чарговай пагулянкі з сябрамі збівае на дарозе адзінокага пешахода. Працверазеўшы са страху, Сеня ўцякае з месца злачынства, аднак не можа збегчы ад згрызот сумлення і... прывіду. У такім выглядзе да яго з'яўляецца загінулы Георгій і ўльтыматыўна патрабуе адшукаць яго дачку (тая, дарэчы, ніколі ў жыцці не бачыла бацькі, але крыўдуе на яго за адзінокае дзяцінства) і перадаць ёй выйграныя грошы. Зразумела, выканаць заданне прывіду будзе вельмі, вельмі няпроста.


Што: «Дзікае паляванне караля Стаха»

Калі і дзе: «Беларусь 3», 2 верасня ў 14.05 і 3 верасня ў 21.30

У далёкім ужо 1979-м рэжысёр Валерый Рубінчык зняў, па сутнасці, адзін з першых айчынных містычных фільмаў жахаў, дзе фантазія і рэальнасць да самага канца моцна пераплеценыя адно з адным.

А пачынаецца ўсё з прыезду маладога этнографа Андрэя Беларэцкага ў «мядзведжы кут» на Палессі, дзе ў старым маёнтку Балотныя Яліны жыве апошняя прадстаўніца старажытнага шляхецкага роду Надзея Яноўская. Яна і расказвае навукоўцу мясцовыя легенды пра Блакітную Пані, Маленькага Чалавека Балотных Ялін, а галоўнае — пра страшнае Дзікае паляванне караля Стаха, кожны выезд якога пакідае крывавы след у наваколлі... Кажуць, некалі адзін з заснавальнікаў роду Раман Яноўскі па-здрадніцку забіў на паляванні мужыцкага караля Стаха і той пракляў усіх яго нашчадкаў паміраць не сваёй смерцю. Этнограф адмаўляецца верыць у гэтыя сярэднявечныя забабоны і вырашае дакапацца да праўды.


Што: «Казкі нанач»

Калі і дзе: «Беларусь 2», 3 верасня ў 15.35

Скітэра Бронсана пры ўсім жаданні нельга назваць шчасліўцам — хутчэй, няўдачнікам, які працуе рознарабочым у былой сямейнай гасцініцы. Але аднойчы сястра просіць яго прыгледзець за двума жвавымі пляменнікамі і сімпатычнай марской свінкай Плаксікам. Усе трое прывыклі засынаць пад казкі, таму Скітэру даводзіцца напружыць фантазію і прыдумаць гісторыю — уласна, пра сябе самога, але пад іншым імем і ў іншым, сярэднявечным атачэнні. Гісторыя атрымліваецца не тое каб вясёлай, а назаўтра выдуманыя падзеі раптам пачынаюць адбывацца ў жыцці самога героя!

Загаловак у газеце: На мяжы ўяўлення

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.