Вы тут

Навесці элементарны парадак


Сітуацыя на праблемным камунальным унітарным сельскагаспадарчым прадпрыемстве «Глыбачаны» ва Ушацкім раёне будзе ўзята пад жорсткі кантроль. Пра гэта заявіла ў гутарцы з карэспандэнтам БЕЛТА кіраўнік Адміністрацыі Прэзідэнта Наталля Качанава па выніках наведвання згаданага прадпрыемства.


«Сказаць, што гэта праблемная гаспадарка, значыць, не сказаць нічога. Сапраўды, сітуацыя вельмі складаная, нягледзячы на тое, што тут няма праблем з палівам, ёсць дзве зернесушылкі, гаспадарка ўкамплектавана механізатарамі, хоць 50% — гэта прыцягнутыя людзі з іншых арганізацый. Разам з тым тут абсалютна няма культуры вытворчасці, усё ў занядбаным стане», — канстатавала Наталля Качанава, падкрэсліўшы, што ў «Глыбачанах» у першую чаргу неабходна навесці элементарны парадак. Тады, паводле яе слоў, у людзей будзе больш жадання і імкнення працаваць на вынік.

Адказваючы на пытанне, ці будзе яна і далей наведваць падобныя праблемныя сельгаспрадпрыемствы, Наталля Качанава адказала: «Адназначна». У працяг гэтага кіраўнік Адміністрацыі Прэзідэнта нагадала, што Аляксандр
Лукашэнка на селектарнай нарадзе выразна паставіў задачу: кіраўнік раёна павінен займацца перш за ўсё такімі праблемнымі прадпрыемствамі. Добрыя прадпрыемствы працуюць якасна, там моцныя кіраўнікі. «І такіх шмат у нас па краіне. Я была ў Брэсцкай вобласці, бачыла такія прадпрыемствы, дзе і культура вытворчасці, і чысціня, і парадак, і добрыя палі. Трэба займацца менавіта такімі праблемнымі прадпрыемствамі», — рэзюмавала яна, дадаўшы, што сітуацыя ў «Глыбачанах» будзе выпраўлена.

Дадаць каментар

Выбар рэдакцыі

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра выступленне баскетбольнай і валейбольнай зборных краіны на буйных міжнародных турнірах.

Грамадства

«Пяцёрка» ці «дзясятка»?

«Пяцёрка» ці «дзясятка»?

Што думаюць наконт агучанай прапановы самі педагогі?

Культура

Андрэй Кудзіненка: Я лічу дакументальнае кіно крыху амаральным

Андрэй Кудзіненка: Я лічу дакументальнае кіно крыху амаральным

«...бярэш чалавека і яго лёс, а потым у касцюме едзеш на фестываль».