Вы тут

На Міжнароднай алімпіядзе па геаграфіі беларусы заваявалі 4 медалі


Серыю паспяховых выступленняў на міжнародных алімпіядах па вучэбных прадметах працягнулі беларускія навучэнцы на 14-й міжнароднай алімпіядзе па геаграфіі, якая праходзіла ў  Бялградзе. Канкурэнцыю нашай зборнай склалі 160 школьнікаў з 41 краіны свету.


mir-talanta.ru

Удзельнікі спаборніцтваў павінны былі прадэманстраваць не толькі добрае веданне  прадмета, але таксама і свабоднае валоданне англійскай мовай, якая была афіцыйнай мовай алімпіяды. Юныя географы спаборнічалі ў трох дысцыплінах: здавалі пісьмовы тэст, мультымедыйны тэст і праводзілі палявое назіранне.

Па выніках ўсіх выпрабаванняў выхаванец магілёўскай гімназіі №3 Павел Стульнікаў заваяваў залаты медаль, а Іван Наркевіч (гімназія №61 г.Мінска), Ягор Гафараў (гімназія №1 г. Віцебска) і Антон Засімук  (гімназія №1 г.Брэста) былі ўдастоены бронзавых медалёў. Гэты поспех стаў працягам пераможнага выступлення нашых школьнікаў на Балтыйскай алімпіядзе па геаграфіі (BalticiGeo) у Літве, дзе яны заваявалі дзве сярэбраныя і бронзавую ўзнагароду.

Беларускую зборную рыхтавалі да міжнародных спаборніцтваў Генадзь Озем, загадчык кафедры эканамічнай геаграфіі Беларусі і дзяржаў Садружнасці геаграфічнага факультэта БДУ, кандыдат геаграфічных навук, дацэнт, і Людміла Факеева, дацэнт кафедры міжнароднага турызму факультэта міжнародных адносін Беларускага дзяржаўнага універсітэта, кандыдат геаграфічных навук.

Надзея НІКАЛАЕВА

Дадаць каментар

Выбар рэдакцыі

Грамадства

Як папярэдзіць няшчасныя выпадкі з дзецьмі?

Як папярэдзіць няшчасныя выпадкі з дзецьмі?

Кожны тыдзень у хірургічнае аддзяленне трапляе чатыры—пяць пацыентаў, якія праглынулі іншароднае цела.

Грамадства

У Футбольным манежы завяршыўся конкурс WorldSkіlls Belarus 2018

У Футбольным манежы завяршыўся конкурс WorldSkіlls Belarus 2018

Урачыстая цырымонія закрыцця прайшла ў спартыўным комплексе «Веладром».

Эканоміка

Што атрымае сельская гаспадарка ад вырошчвання соі?

Што атрымае сельская гаспадарка ад вырошчвання соі?

Гэту тэму падказаў наш чытач: у сваім лісце ён абураўся, чаму на Беларусі не вырошчваецца соя.

Эканоміка

Новабудоўлі: бюджэтных прапаноў амаль не засталося

Новабудоўлі: бюджэтных прапаноў амаль не засталося

Але на другасным рынку «хапун» на нерухомасць хутка скончыцца, лічаць эксперты.