Вы тут

Беларуска-таджыкска-афганскі бізнес-форум адбудзецца ў Душанбэ


Аб гэтым заявіў Надзвычайны і Паўнамоцны Пасол Беларусі ў Таджыкістане і Афганістане па сумяшчальніцтве Алег ІВАНОЎ. Мерапрыемства адбудзецца ў рамках Міжнароднай універсальнай выстаўкі-кірмашу «Таджыкістан-2017» з 27 па 29 ліпеня, і ўжо сёння каля 100 бізнесменаў з Афганістана пагадзіліся прыехаць на форум.


— Нашы двухбаковыя адносіны з Афганістанам знаходзяцца ў стадыі станаўлення, але ўжо ў 2015—2017 гадах адбыліся сустрэчы на вышэйшым і высокім узроўнях, візіты дзелавых колаў у Беларусь. Гэта з'яўляецца пацвярджэннем зацікаўленасці афганскага боку ў актывізацыі кантактаў у палітычнай, эканамічнай, гуманітарнай, сацыяльнай і іншых сферах, — адзначыў беларускі пасол.

Паводле слоў дыпламата, для абодвух бакоў існуе мноства абласцей, у якіх рэальна арганізаваць супрацоўніцтва, выгаднае і для Беларусі, і для Афганістана. Асноўным кірункам з'яўляецца беларуская тэхніка, якую можна пастаўляць на афганскі рынак — прычым, гэта можа быць як сельскагаспадарчае, так і грузавое або спецыяльнае абсталяванне. Сёння беларускае пасольства прасоўвае малочную прадукцыю, лекі, калійныя ўгнаенні, шыны, керамічную плітку і іншыя тавары.

У 2016 годзе тавараабарот Беларусі і Афганістана склаў 26,4 мільёна долараў і ў параўнанні з 2015-ым вырас на 60 працэнтаў. У перыяд са студзеня па май 2017 года тавараабарот склаў 9,1 мільёна долараў — у параўнанні з аналагічным перыядам за папярэдні год можна канстатаваць павелічэнне на 87,7 працэнта.

У адрозненне ад супрацоўніцтва з Афганістанам, якое толькі пачынае набіраць абароты, беларуска-таджыкскія адносіны ў сферы эканомікі знаходзяцца на здавальняючым узроўні. Разам з тым, паказчыкі ўзаемнага гандлю ў апошнія гады не адпавядаюць патэнцыялу эканомік абедзвюх краін. «Але мы робім усе намаганні, каб выправіць сітуацыю, якая склалася», — падкрэсліў дыпламат.

Паляпшэнню эканамічных паказчыкаў можа спрыяць зборачная вытворчасць беларускай сельгастэхнікі, якую плануецца адкрыць на тэрыторыі Таджыкістана восенню. «Там будзе прадстаўлена розная тэхніка такіх брэндаў, як «Бабруйскаграмаш», «МТЗ», «Гомсельмаш», — паведаміў Алег Іваноў.

Сярод патэнцыйных пазіцый — больш за 10 мадэляў, у тым ліку трактары, прычэпы і касілкі для высакагор'я. «Таксама на базе гэтай зборкі мы хочам зрабіць навучальны цэнтр», — дадаў дыпламат.

Беларуская тэхніка не толькі рэалізуецца на тэрыторыі горнай краіны — для яе абслугоўвання і паставак запасных частак арганізаваны спецыяльныя дылерскія і сэрвісныя цэнтры ў некалькіх гарадах Рэспублікі Таджыкістан.

У цэлым, двухбаковы тавараабарот з Таджыкістанам за перыяд са студзеня па май 2017 года павялічыўся ў 2,7 раза ў параўнанні з аналагічным перыядам за 2016 год — і склаў больш за 16 мільёнаў долараў. Экспарт і імпарт таксама павялічыліся ў 2,9 і 1,9 разы адпаведна.

Уладзіслаў ЛУКАШЭВІЧ

lukashevich@zvіazda.by

Загаловак у газеце: Беларускі трактар для высакагор'я

Дадаць каментар

Выбар рэдакцыі

Грамадства

Прэзідэнт добраўпарадкаваў Трафімаву крыніцу на Шклоўшчыне

Прэзідэнт добраўпарадкаваў Трафімаву крыніцу на Шклоўшчыне

Трафімава крыніца была адноўлена некалькі гадоў таму па даручэнні Прэзідэнта.

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Кіраўнікі дзяржорганаў будуць працаваць на суботніку на сваёй малой радзіме.

Грамадства

Мінфін устанавіў парадак пералічэння заробленых на суботніку сродкаў

Мінфін устанавіў парадак пералічэння заробленых на суботніку сродкаў

Пастанова апублікавана на Нацыянальным прававым інтэрнэт-партале.

Грамадства

Хобі звычайнага студэнта пераўтварылася ў інтэрактыўны музей

Хобі звычайнага студэнта пераўтварылася ў інтэрактыўны музей

Ці ведаеце вы, што першы ў свеце ноўтбук важыў больш за 20 кілаграмаў, а першы планшэт меў дыскавод для пяціцалёвых дыскет?