Вы тут

Сярод 100-бальнікаў на ЦТ 9 выпускнікоў сельскіх школ


Рэспубліканскі інстытут кантролю ведаў агучыў папярэднія вынікі асноўнага і рэзервовага этапаў ЦТ.


Сёлета ў цэнтралізаваным тэсціраванні прынялі ўдзел 90 125 абітурыентаў. Абсалютныя вынікі (100 балаў) паказалі 303 удзельніка ў 314 выпадках. 100 балаў па двух вучэбных прадметах атрымалі 11 абітурыентаў, а 292 -- па адным.

На ЦТ па рускай мове зарэгістравана 66 стабальных вынікаў, а па беларускай - 35. Улічваючы, што беларускую мову здавала ўтрая менш абітурыентаў, справіліся з тэстам па роднай мове яны зусім нядрэнна.

На ЦТ па матэматыцы 100-бальныя сертыфікаты атрымалі 69 абітурыентаў, а здавалі яе каля 50 тысяч чалавек, па фізіцы - 15, хіміі - 25, грамадазнаўстве - 16, замежных мовах - 49, біялогіі - 18, гісторыі Беларусі - 19, геаграфіі - 1, сусветнай гісторыі найноўшага часу - 1.

У ліку абітурыентаў, якія атрымалі 100-бальныя сертыфікаты, 250 выпускнікоў устаноў агульнай сярэдняй адукацыі бягучага года: сярод іх 100 выпускнікоў гімназій, 65 - ліцэяў, 85 скончылі звычайную сярэднюю школу, 1 выпускнік установы сярэдняй спецыяльнай адукацыі, а таксама 51 выпускнік устаноў адукацыі мінулых гадоў і 1 абітурыент, які скончыў установу адукацыі ў гэтым годзе за межамі Беларусі.

Найбольшай колькасцю стабальных вынікаў  могуць пахваліцца выпускнікі ўстаноў адукацыі Мінска (82) і раённых цэнтраў (87). Таксама па аднаму стабальнаму сертыфікату атрымалі і 9 выпускнікоў устаноў адукацыі, размешчаных у сельскай мясцовасці.

Як бачна, тэсты з'яўляюцца цалкам даступнымі для выканання, незалежна ад тыпу ўстановы адукацыі і месца яе размяшчэння. Сярод уладальнікаў максімальнага выніку ёсць як выпускнікі элітарнага Ліцэя БДУ, так і выпускнікі самых звычайных сярэдніх школ. Прычым выпускнікі сельскіх школ не саступаюць гараджанам па ўдзельнай вазе абсалютных вынікаў на  ЦТ (улічваючы сваю нешматлікасць у агульным патоку абітурыентаў).

Надзея НІКАЛАЕВА

Фота Сяргея НІКАНОВІЧА

Каментары

Добры дзень! Вялікі дзякуй за артыкул! Вельмі радая за ўсіх, хто скончыў з такімі баламі, малайцы! Пішу, таму што не зусім згодная з "Як бачна, тэсты з'яўляюцца цалкам даступнымі для выканання, незалежна ад тыпу ўстановы адукацыі і месца яе размяшчэння." Я не магла знайсці артыкул з статыстычнымі дадзенымі з РІКВ, каб пабычыць, колькі адсоткаў было з вёскі, а колькі было з гораду. Каб рабіць такія вынікі, патрэбна таксама далучаць дадзеныя, каб паказаць, што адсоткі стобальнікаў з вёскі блізкія да адсоткаў стобальнікаў з гораду. Дзякуй! Усяго найлепшага!

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна:  «Баскетбол 3х3 — гэта заўсёды відовішча»

Анастасія Марыніна: «Баскетбол 3х3 — гэта заўсёды відовішча»

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.