Вы тут

Такі гармідар, што хоць плач


Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».


Ці ведалі вы, што:

Гармідар — бязладдзе, блытаніна, вэрхал.

Адо́нак — подсціл з галля, жэрдак, на які кладуць стог. «Працавалі дружна: жанчыны зграбалі сена
ў валкі, мужчыны складалі ў копы і падносілі іх на насілках да адонкаў», — чытаем у Рамана Сабаленкі.

Каліта́ (устарэлае) — сумка для грошай; вялікі кашалёк. Дарэчы, слова «каліта» ўзята са старажытнарускай мовы, у якой з'явілася з цюркскіх гаворак.

Вало́га (устарэлае) — густы кісель з малака, разведзенага вадой. У пост, або калі не было малака, валогу рабілі з тоўчанага канаплянага семя. Яго залівалі вадой, шалупінне асядала на дно, а зверху адстойвалася валога.

Ра́жка — пасудзіна для кармлення жывёлы. Падобна да цэбра, але меншых памераў, прыкладна на 15—20 літраў.

Са́ндрык — карніз над аконным або дзвярным праёмам будынка.

Шы́льда — дошка з надпісам назвы ўстановы; вывеска.

Хоць плач — цяжкае, бязвыхаднае становішча; выказванне адчаю, бяссілля. Беларускія адпаведнікі: хоць рэпку спявай, хоць гвалт крычы. Рускі: хоть волком вой.

Ператварыцца ў слых — прыслухоўвацца да чаго-небудзь, уважліва слухаць што-небудзь. Беларусы яшчэ скажуць: вастрыць вушы, настаўляць вушы. Рускія: насторожить уши.

Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.

Ірына АСТАШКЕВІЧ

іоst@zvіаzdа.bу

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна:  «Баскетбол 3х3 — гэта заўсёды відовішча»

Анастасія Марыніна: «Баскетбол 3х3 — гэта заўсёды відовішча»

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.