Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра вынікі Балтыйскіх гульняў, якія завяршыліся ў Брэсце, пра перамогі беларускіх грацый на этапе Кубка свету і пра тое, хто выйшаў у 1/8 фіналу Кубка краіны па футболе.


1. Беларускія спартсмены на Х Балтыйскіх юнацкіх гульнях у Брэсце заваявалі 130 залатых медалёў. У юбілейным турніры прынялі ўдзел 1 289 прадстаўнікоў васьмі краін (Расіі, Беларусі, Германіі, Польшчы, Літвы, Латвіі, Эстоніі і Швецыі), было разыграна 186 камплектаў узнагарод. Беларускія спартсмены заваявалі 258 медалёў, у цэлым за нашу каманду выступілі 380 юнакоў і дзяўчат. Спаборніцтвы прайшлі па 16 відах спорту.

Нагадаем, Балтыйскія гульні праводзяцца раз на два гады. Па рашэнні арганізацыйнага камітэта, у 2019 годзе турнір прыме Швецыя.


2. Велагоншчык Яўген Каралёк стаў пераможцам міжнародных спаборніцтваў «Гран-пры Мінска». Дыстанцыю ў 145,5 км (10 колаў па 14,5 км) па праспекце Пераможцаў з чатырма прамежкавымі фінішамі прадстаўнік велаклуба «Мінск» праехаў за 3 г. 23 хв. 9 сек. Яшчэ адзін прадстаўнік сталічнага клуба Яўген Собаль стаў бронзавым прызёрам «Кубка Мінска».


3. Кацярына Галкіна заваявала дзве залатыя ўзнагароды на этапе Кубка свету ў катэгорыі «чэлендж», які завяршыўся ў Берліне. Беларуска стала першай у індывідуальным мнагабор'і і ў выступленні са стужкай. На рахунку Галкінай таксама дзве бронзавыя ўзнагароды ў асобных відах: у практыкаваннях з мячом і булавамі.

Беларуская каманда ў групавых практыкаваннях у складзе Настассі Рыбаковай, Марыі Коцяк, Ганны Гайдукевіч, Ганны Швайбы, Маргарыты Авадзінскай і Арыны Цыцылінай у кампазіцыі з пяццю абручамі заняла трэцяе месца.

Наступным важным стартам для дзяўчат стане этап Кубка свету, які з 4 па 6 жніўня пройдзе ў Мінску ў спартыўна-забаўляльным комплексе Falcon Club. Плануецца, што ў сталіцы выступяць і ўсе лідары зборнай Беларусі.


4. У Мінск прыбыў новы настаўнік хакейнага клуба «Дынама-Мінск» Гордзі Дуаер. Канадскі спецыяліст ужо паспеў сустрэцца з камандай, пазнаёміцца з трэнерскім штабам і правесці першую трэніроўку. Адзначым, што ў яго трэнерскі штаб увайшлі Сяргей Стась і Канстанцін Кальцоў. Абодва спецыялісты добра вядомыя па выступленнях за зборную Беларусі. Канстанцін Кальцоў таксама мае вопыт выступлення ў Нацыянальнай хакейнай лізе ў клубе «Пітсбург» і Кантынентальнай хакейнай лізе, у тым ліку за мінскае «Дынама».

Нагадаем, дынамаўцы возьмуць удзел у турніры «Кубак Мінска». 26 ліпеня яны правядуць першы матч з аднаклубнікамі з Масквы. А потым згуляюць у Кубку Латвійскіх чыгунак, які пройдзе ў Рызе з 13 па 17 жніўня.

Старт дзясятага сезона ў Кантынентальнай хакейнай лізе запланаваны на 21 жніўня. Канчатковы каляндар стане вядомы заўтра.


5. Адбыліся ўсе матчы 1/16 фіналу Кубка Беларусі па футболе. «СДЮШАР-8» буйна саступіла «Нёману» — 0:7, «Хваля» была слабейшай за «Мінск» — 0:1, «Орша» абыграла «Славію-Мазыр» — 1:1 (4:3 па пенальці). «Дынама-Брэст» было мацнейшае за «Смаргонь» — 4:1, БАТЭ перайграў «Нёман-Агра» — 5:1, «Крумкачы» атрымалі перамогу над «Маладзечна-ДЮСШ» — 3:0. «Баранавічы» аказаліся слабейшыя за «Нафтан» — 0:1, а «Смалявічы-СТІ» за «Тарпеда-БелАЗ» — 0:2. «Гомель» перайграў «Тарпеда-Мінск» — 0:0 (3:2 па пенальці). «ЮАС-Жыткавічы» прайграла «Слуцку» — 0:3 (у дадатковы час), «Граніт» саступіў «Гарадзеі» — 0:2, «Лакаматыў» з мінімальным лікам саступіў «Віцебску» — 0:1. Асноўны час матчу «Слонім-2017» — «Днепр» скончыўся з лікам 1:1, па пенальці мацнейшымі аказаліся госці. «Чысць» саступіла «Дынама-Мінск» — 0:4, «Белшына» прайграла «Іслачы» — 1:4, «Прамень» саступіў «Шахцёру» — 1:5.

Такім чынам, у 1/8 фіналу выйшлі ўсе прадстаўнікі вышэйшай лігі за выключэннем мазырскай «Славіі», якая саступіла футбольнаму клубу «Орша».

Дар'я ЛАБАЖЭВІЧ

lobazhevich@zviazda.by

Загаловак у газеце: Больш за сто залатых медалёў ад маладых спартсменаў

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна:  «Баскетбол 3х3 — гэта заўсёды відовішча»

Анастасія Марыніна: «Баскетбол 3х3 — гэта заўсёды відовішча»

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.