Вы тут

У правінцыі Цыхай адшукалі мумію


Мяркуецца, што ўзрост знаходкі - 1700 гадоў.


Забальзамаваныя астанкі мужчыны сярэдніх гадоў, які жыў прыблізна 1700 гадоў таму, былі выяўленыя на ўчастку старажытнага Шаўковага шляху на ўскрайку Цынхай-Тыбецкага нагор'я, перадае "Жэньмінь жыбаа" анлайн". 

Цела было знойдзена на будоўлі ў пасёлку Ман’ай правінцыі Цынхай (Паўночна-Заходні Кітай). Цяпер яно захоўваецца ў Музеі этналогіі Хайсі-Мангольска-Тыбецкай аўтаномнай акругі. "Цела знаходзіцца ў добрым стане і, магчыма, з'яўляецца самай старой і найбольш добра захаванай муміяй, выяўленай на Цынхай-Тыбецкім нагор'і", - паведаміў дырэктар музея Сінь Фэн. 

На целе ростам 1,62 метра выдатна захаваліся парэшткі скуры і валасоў. Мужчына, як мяркуецца, памёр ва ўзросце каля 40 гадоў. Яго твар выглядае спакойным, а рукі скрыжаваны на жываце. Археолагі правядуць ДНК-аналіз для вызначэння этнічнай прыналежнасці і асобы мужчыны, паведаміў Сінь Фэн, дадаўшы, што мумія была знойдзена сярод высушанага чароту, разам з целам былі знойдзеныя посцілкі з афарбаванай тканіны, капыты каня і косткі авечак, яны, як лічыцца, былі пахавальнымі атрыбутамі для прадстаўнікоў вышэйшых слаёў грамадства таго часу. 

Муміі звычайна ўтвараюцца ў вельмі сухім асяроддзі, якая перашкаджае раскладанню цела. Дадзенае цела было знойдзена на паўночнай ўскраіне Цынхай-Тыбецкага нагор'я паблізу пустыні Такла-Макан. Гэты маршрут старажытнага Шаўковага шляху быў не такім ажыўленым - гандляры выбіралі яго, каб пазбегнуць магчымых канфліктаў у калідоры Хэсі - значна больш вядомым маршруце. 

Муміфікаваныя целы неаднаразова знаходзілі ўздоўж старажытнага Шаўковага шляху на тэрыторыі Кітая, паколькі ён перасякае шырокую паласу засушлівых земляў у сённяшнім Сіньцзян-Уйгурскім аўтаномным раёне. Некаторыя з гэтых цел належалі еўрапеоіднай расе, што з'яўляецца сведчаннем росквіту старажытнага Шаўковага шляху як глабальнага гандлёвага маршруту.

Дадаць каментар

Выбар рэдакцыі

Грамадства

Прэзідэнт добраўпарадкаваў Трафімаву крыніцу на Шклоўшчыне

Прэзідэнт добраўпарадкаваў Трафімаву крыніцу на Шклоўшчыне

Трафімава крыніца была адноўлена некалькі гадоў таму па даручэнні Прэзідэнта.

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Кіраўнікі дзяржорганаў будуць працаваць на суботніку на сваёй малой радзіме.

Грамадства

Мінфін устанавіў парадак пералічэння заробленых на суботніку сродкаў

Мінфін устанавіў парадак пералічэння заробленых на суботніку сродкаў

Пастанова апублікавана на Нацыянальным прававым інтэрнэт-партале.

Грамадства

Хобі звычайнага студэнта пераўтварылася ў інтэрактыўны музей

Хобі звычайнага студэнта пераўтварылася ў інтэрактыўны музей

Ці ведаеце вы, што першы ў свеце ноўтбук важыў больш за 20 кілаграмаў, а першы планшэт меў дыскавод для пяціцалёвых дыскет?