28 Чэрвень, серада

Вы тут

Акцыя "Чытаем па-беларуску" пройдзе 20 мая ў БДУ


Мерапрыемства скіравана на папулярызацыю беларускай мовы і літаратуры. Удзельнікамі акцыі стануць 150 вучняў малодшых класаў з пяці школ. Месца правядзення — унутраны дворык універсітэта (вул. Бабруйская, 5а). Пачатак у 12.00.


На свята запрошаны тэлевядучы Юрый Жыгамонт і беларускія пісьменнікі Алена Масла, Раіса Баравікова, Уладзімір Ліпскі і Наталля Бучынская.

Гасцей свята чакае шмат сюрпрызаў. Адным з яркіх момантаў стане тэатралізаванае дзейства скульптур, што “ажылі”, размешчаных на тэрыторыі ўнутранага дворыку БДУ. Тут школьнікі сустрэнуцца з выдатнымі асветнікамі і пісьменнікамі Беларусі Сымонам Будным і Васілём Цяпінскім, Міколай Гусоўскім і Францыскам Скарынам, Еўфрасінняй Полацкай і Кірылам Тураўскім.

Кожны з герояў прапануе школьнікам прайсці квэст, які ўключае разгадку рэбуса, віктарыну, гульню “Кракадзіл” і іншыя інтэлектуальныя выпрабаванні. Акрамя таго, навучэнцы публічна прачытаюць любімыя радкі з літаратурных твораў на беларускай мове. Лепшага дэкламатара чакае прыз.

Пасля літаратурнага батла адбудзецца канцэрт пад адкрытым небам. Члены творчага саюза БДУ, таленавітыя вакалісты Дзмітрый Нікановіч і Мікіта Найдзёнаў спецыяльна да гэтай падзеі падрыхтавалі эстрадныя нумары.

Арганізатарамі мерапрыемства выступілі ўпраўленне па справах культуры БДУ і кампанія Velсom.

Надзея НІКАЛАЕВА

Фота Надзеі БУЖАН

Дадаць каментар

Выбар рэдакцыі

Грамадства

Асяроддзе для людзей з абмежаваннямі павінна быць паўсюль

Асяроддзе для людзей з абмежаваннямі павінна быць паўсюль

Трэба не змагацца з бар'ерамі, а пашыраць даступнасць.

Палітыка

Мінск прымае Прэзідэнта В'етнама

Мінск прымае Прэзідэнта В'етнама

Сёлета спаўняецца 25 гадоў наладжванню дыпламатычных адносін паміж Беларуссю і В'етнамам.

Культура

Як у Ракаве святкуюць Купалле

Як у Ракаве святкуюць Купалле

У аграгарадку Ракаў Валожынскага раёна ў ноч з 24 на 25 чэрвеня шырока адзначалася фальклорнае свята з нагоды летняга сонцастаяння, якое ў народзе называюць Купаллем.