22 Чэрвень, чацвер

Вы тут

Беларусы з 19 мая могуць уязджаць у Аргенціну без віз


Грамадзяне Беларусі з 19 мая могуць уязджаць у Аргенціну без віз. Такая інфармацыя размешчана на сайце пасольства Беларусі ў Аргенціне.


Фота: БЕЛТА

"Грамадзянам Рэспублікі Беларусь з 19 мая няма неабходнасці ў візе для ўезду ў Аргенцінскую Рэспубліку. Грамадзяне Беларусі, якія з'яўляюцца ўладальнікамі агульнаграмадзянскіх пашпартоў, могуць уязджаць, следаваць транзітам і часова знаходзіцца на тэрыторыі Аргенціны без віз на працягу перыяду, якi не перавышае 90 сутак з дня першага ўезду бесперапынна на працягу каляндарнага года", - адзначаецца ў паведамленні.

У сувязі з частымі выпадкамі спробаў уезду ў Перу, Уругвай, Чылі грамадзян Беларусі без віз пасольства тлумачыць, што наяўнасць у пашпарце пастаяннага альбо часовага віду на жыхарства адной з краін, з якой у Аргенціны падпісана пагадненне аб бязвізавых паездках па грамадзянскіх пашпартах (да прыкладу, краіны ЕС, ЗША, Канада), не вызваляе ад абавязковай наяўнасці віз названых краін у беларускім пашпарце пры выкарыстанні яго для дадзенага падарожжа.

"Пры планаванні сваёй паездкі ў Аргенціну, Перу, Чылі, Уругвай карыстайцеся пэўнымі крыніцамі інфармацыі ў дачыненні да візавага рэжыму паміж Беларуссю і Аргенцінай, Перу, Чылі, Уругваем", - раяць у дыппрадстаўніцтве.

Адзначаецца таксама, што для грамадзян Аргенціны з 19 мая таксама дзейнічае бязвізавы рэжым. Грамадзяне гэтай краіны, якія з'яўляюцца ўладальнікамі агульнаграмадзянскіх пашпартоў, могуць уязджаць, следаваць транзітам і часова знаходзіцца на тэрыторыі Беларусі без віз на працягу перыяду, якi не перавышае 90 сутак з дня першага ўезду бесперапынна на працягу каляндарнага года. Для грамадзян Чылі, Перу і Уругвая дзейнічае візавы рэжым для ўезду ў Беларусь па грамадзянскіх пашпартах. Візу можна аформіць у пасольстве Беларусі ў Аргенціне.

БЕЛТА

Дадаць каментар

Выбар рэдакцыі

Грамадства

Як «Звязда» асвятляла першыя месяцы Вялікай Айчыннай

Як «Звязда» асвятляла першыя месяцы Вялікай Айчыннай

Калі гартаеш падшыўкі «Звязды», разумееш, як мала мы пра яе ведаем. 

Спорт

Ванеса Каладзінская: Ад Алімпіяды цяпер хочацца большага

Ванеса Каладзінская: Ад Алімпіяды цяпер хочацца большага

Спартыўных поспехаў яна пачала дасягаць рана.

Грамадства

Як школьніку захаваць здароўе?

Як школьніку захаваць здароўе?

Днямі на базе 32-й сталічнай школы прайшла калегія трох міністэрстваў — адукацыі, аховы здароўя, спорту і турызму.

Грамадства

Як адпачыць без рызыкі для жыцця?

Як адпачыць без рызыкі для жыцця?

Па стане на 19 чэрвеня вада адабрала жыцці 99 чалавек, у тым ліку 7 непаўналетніх.