Вы тут

Аматарскія і прафесійныя калектывы возмуць удзел у "Жыровiцкім фэсце"


Праваслаўная Беларусь 20 мая адзначыць з'яўленне Жыровіцкай іконы Божай Маці. У гэты дзень чацвёрты раз пройдзе фестываль "Жыровiцкі фэст", паведамляе афіцыйны партал БПЦ.


Фота: gs.by

Святочную Боскую літургію ва Успенскім Жыровіцкім стаўрапігіяльным мужчынскім манастыры ўзначаліць мітрапаліт Мінскі і Заслаўскі Павел, Патрыяршы Экзарх усяе Беларусі. Сустрэча архіпастыра на ўваходзе ва Успенскі сабор у 9.30.

На фестывальнай пляцоўцы каля крыніцы, пад адкрытым небам на сцэне-караблі ў 14.00 пачнецца канцэртная праграма. У "Жыровіцкім фэсце" прымуць удзел аматарскія і прафесійныя інструментальныя і харавыя калектывы, сольныя выканаўцы, паэты. У час канцэртных выступленняў, якія працягнуцца да вечара, на фестывальным полі будуць арганізаваны майстар-класы народных умельцаў, гульні, катанне на конях. Пасля заканчэння масавых мерапрыемстваў жадаючыя змогуць у сяброўскай атмасферы пасядзець ля вогнішча.

Уваход на фестываль свабодны. Яго мэта - аб'яднаць людзей вакол урачыстасці, якая штогод праходзіць у адным з самых прыгожых мясцін Беларусі і з якой звязана гісторыя з'яўлення найвялікшай святыні - Жыровіцкай іконы Божай Маці.

Паводле падання, з'яўленне іконы адбылося ў 1470 годзе ў мястэчку Жыровіцы Гродзенскага павета. У лесе, што належаў праваслаўнаму літоўскаму вяльможу Аляксандру Солтану, пастухі ўбачылі незвычайна яркае святло, якое пранікала ў выглядзе полымя скрозь галіны грушавага дрэва. На дрэве ў прамяністым ззянні знаходзілася невялікая ікона Божай Маці. Пастухі ўзялі яе і аднеслі вяльможу. Ён не надаў асаблівага значэння апавяданню аб убачаным, а абраз замкнуў у куфэрак.

На наступны дзень у Аляксандра Солтана сабраліся госці, і гаспадар вырашыў паказаць ім знаходку, аднак іконы ў куфэрку не аказалася. Праз некаторы час пастухі зноў знайшлі абраз Багародзіцы на тым жа месцы і зноў прынеслі яго вяльможу. На гэты раз мужчына паставіўся да іконы Багародзіцы з глыбокай пашанай і даў абяцанне на месцы яе з'яўлення пабудаваць храм.

БЕЛТА

Дадаць каментар

Выбар рэдакцыі

Грамадства

Прэзідэнт добраўпарадкаваў Трафімаву крыніцу на Шклоўшчыне

Прэзідэнт добраўпарадкаваў Трафімаву крыніцу на Шклоўшчыне

Трафімава крыніца была адноўлена некалькі гадоў таму па даручэнні Прэзідэнта.

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Кіраўнікі дзяржорганаў будуць працаваць на суботніку на сваёй малой радзіме.

Грамадства

Мінфін устанавіў парадак пералічэння заробленых на суботніку сродкаў

Мінфін устанавіў парадак пералічэння заробленых на суботніку сродкаў

Пастанова апублікавана на Нацыянальным прававым інтэрнэт-партале.

Грамадства

Хобі звычайнага студэнта пераўтварылася ў інтэрактыўны музей

Хобі звычайнага студэнта пераўтварылася ў інтэрактыўны музей

Ці ведаеце вы, што першы ў свеце ноўтбук важыў больш за 20 кілаграмаў, а першы планшэт меў дыскавод для пяціцалёвых дыскет?