Вы тут

Чаканыя сумы кантрактаў — не ніжэй за $300 млн


Аб гэтым заявіў Старшыня Савета Рэспублікі Нацыянальнага сходу Міхаіл МЯСНІКОВІЧ на пашыранай нарадзе па пытаннях падрыхтоўкі чацвёртага Форуму рэгіёнаў Беларусі і Расіі на тэму інавацый і высокіх тэхналогій. Удзельнікі дэталёва разгледзелі праграму, пытанні правядзення пленарнага і секцыйных пасяджэнняў, а таксама праект выніковага дакумента Форуму.


— Мерапрыемства вельмі адказнае. Гэта, безумоўна, пляцоўка для актуалізацыі пытанняў саюзнага будаўніцтва, — падкрэсліў Міхаіл Мясніковіч. — Асаблівую ўвагу мы павінны ўдзяляць пытанням эканамічнага супрацоўніцтва.

Таксама Міхаіл Уладзіміравіч дадаў, што ў рэгіёнаў велізарны патэнцыял. На чацвёртым форуме трэба пастарацца, каб сумы камерцыйных кантрактаў былі не ніжэйшыя за папярэднія, якія склалі 230 і больш за 300 мільёнаў долараў на 2-м і 3-м форумах.

Незвычайны характар мае праграма форуму. «Асаблівасць заключаецца ў тым, што ў гэтыя дні будуць праходзіць яшчэ два вельмі важныя мерапрыемствы: намечана пасяджэнне Вышэйшага дзяржаўнага савета Саюзнай дзяржавы і адначасова будуць праходзіць Дні навукі Беларусі ў Расійскай Федэрацыі. Форуму рэгіёнаў будзе папярэднічаць шэраг навуковых мерапрыемстваў. Дні навукі павінны разглядацца як складальная частка форуму, — лічыць Міхаіл Мясніковіч. — Другая асаблівасць заключаецца ў перспектыўным парадку дня. Гэта новыя прарыўныя тэхналогіі і пытанні маладзёжнай палітыкі». Акрамя таго, Старшыня Савета Рэспублікі даручыў аргкамітэту ўдзяліць асаблівую ўвагу выкананню выніковых дакументаў, падпісаных на папярэдніх форумах.

— Сёння ўжо рыхтуюцца да падпісання — яны ў рабоце — каля 60 пагадненняў розных напрамкаў паміж рэгіёнамі Беларусі і Расіі, — адзначыла намеснік Старшыні Савета Рэспублікі Нацыянальнага сходу, старшыня арганізацыйнага камітэта па падрыхтоўцы і правядзенні чацвёртага Форуму рэгіёнаў Марыяна ШЧОТКІНА. — І сёння каля 60 удзельнікаў выстаўкі беларускай прадукцыі ўжо заявілі сябе.

Марыяна Акіндзінаўна падкрэсліла, што кожны экспанат павінен быць прафільтраваны і адпавядаць тэме форуму, паколькі на самой выстаўцы беларускаму боку вызначана дзве тысячы квадратных метраў. «Мы павінны зыходзіць з таго, каб гэта быў важны напрамак дзейнасці і каб гэта было тое, на што цікава паглядзець», — дадала віцэ-спікер верхняй палаты.

Чацвёрты Форум рэгіёнаў Беларусі і Расіі на тэму «Вектары інтэграцыйнага развіцця рэгіёнаў Расіі і Беларусі ў сферы высокіх тэхналогій, інавацый і інфармацыйнага грамадства» адбудзецца 29—30 чэрвеня ў Маскве ў Цэнтральным выставачным комплексе «Экспацэнтр». У пленарным пасяджэнні плануецца ўдзел Прэзідэнта Рэспублікі Беларусь Аляксандра Лукашэнкі і Прэзідэнта Расійскай Федэрацыі Уладзіміра Пуціна.

Уладзіслаў ЛУКАШЭВІЧ

lukashevich@zvіazda.by

Дадаць каментар

Выбар рэдакцыі

Эканоміка

На другасным рынку жылля сталіцы пачаўся так званы студэнцкі бум

На другасным рынку жылля сталіцы пачаўся так званы студэнцкі бум

Як гэта паўплывала на рынак доўгатэрміновай арэнды жылля?

Грамадства

Час змяняць стэрэатыпы ў сістэме ЖКГ

Час змяняць стэрэатыпы ў сістэме ЖКГ

Спажывец — не скаржнік, а кліент.

Грамадства

Чаму ў Беларусі такія актуальныя праблемы воднай гаспадаркі?

Чаму ў Беларусі такія актуальныя праблемы воднай гаспадаркі?

Cпецыялісты б'юць трывогу: 25 працэнтаў проб вады з грамадскіх калодзежаў сёння не адпавядаюць санітарным патрабаванням.