22 Кастрычнік, нядзеля

Вы тут

Свята пісьменства распачнецца дзействам «Беларускі шлях»


Яно стане часткай урачыстага адкрыцця і пройдзе пад знакам дзвюх важных дат — 1155-годдзя Полацка і 500-годдзя беларускага кнігадрукавання. Пра гэта ішла гаворка падчас пасяджэння Нацыянальнага аргкамітэта па падрыхтоўцы і правядзенні свята, якое днямі прайшло ў Полацку пад старшынствам намесніка прэм'ер-міністра Васіля Жарко, піша БЕЛТА. Таксама ў абмеркаванні важных пытанняў падрыхтоўкі да Дня беларускага пісьменства ўзялі ўдзел міністры інфармацыі і культуры, прадстаўнікі іншых зацікаўленых міністэрстваў і ведамстваў.


Свята беларускага пісьменства, якое сёлета пройдзе ў самым старажытным горадзе Беларусі, стане сапраўды важнай падзеяй культурнага жыцця ўсёй краіны. Так, плануецца, што асвятляць яго будуць больш як сто журналістаў айчынных і замежных СМІ. Сама праграма святкавання лагічна аб'яднае расказы пра нашу культуру, гісторыю, літаратуру, выдатных землякоў. Пройдзе фэст сярэднявечнай культуры «Рубон», запланаваны ўжо традыцыйны круглы стол літаратараў, у якім прымуць удзел прадстаўнікі 15 краін свету. Адбудзецца фінал конкурсу юных чытальнікаў «Жывая класіка», фінальныя мерапрыемствы навукова-асветнай экспедыцыі «Дарога да святыняў». Адной з галоўных пляцовак стане Музей беларускага кнігадрукавання, тут пройдзе адразу некалькі выставак: будуць прадстаўленыя манеты ад Нацыянальнага банка, Псалтыры з усёй Беларусі, старадрукаваныя выданні.

— Полацк — калыска беларускай дзяржаўнасці, адзін з найбуйнейшых культурных цэнтраў, гэты горад сімвалізуе беларускую духоўнасць, — заўважыла міністр інфармацыі Лілія АНАНІЧ. — Сучасная Беларусь — міралюбівая, дружалюбная, адкрытая свету краіна, якая ў наш няпросты час імкнецца захаваць сябе. Беларускі шлях — гэта шлях да ўзаемапавагі і ўзаемаразумення, шлях да згоды і міру, сацыяльнай справядлівасці і духоўнага развіцця чалавека.

Важнай пляцоўкай Дня беларускага пісьменства стане старажытны Сафійскі сабор, тут будуць праходзіць канцэрты. Таксама плануецца прэзентацыя выстаўкі-пленэру «Полацк у гравюрах сучасных мастакоў».

Марына ВЕСЯЛУХА

vesіaluha@zvіazda.by

Фота БЕЛТА

Загаловак у газеце: Гісторыя, духоўнасць, кніга

Дадаць каментар

Выбар рэдакцыі

У свеце

Навошта Нарвегія назапасіла рэкордную «заначку»?

Навошта Нарвегія назапасіла рэкордную «заначку»?

​Актывы суверэннага фонду каралеўства Нарвегія перавысілі трыльён долараў.

Грамадства

Як жывуць апошнія жыхары вёскі Дзет­ка­ві­чы

Як жывуць апошнія жыхары вёскі Дзет­ка­ві­чы

У Дзеткавічах хоць і зарэгістравана сем чалавек, пастаянна пражываюць тры жанчыны. 

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра настаўніка года, непрадугледжаныя паводзіны і англійскі кампот.