Вы тут

Прэзідэнт падпісаў заяўку


Аляксандр Лукашэнка зацвердзіў удзел беларускай каманды ў ХХІІІ зімовых Алімпійскіх гульнях.

Яны пройдуць з 9 па 25 лютага 2018 года ў карэйскім Пхенчхане, дзе будзе прадстаўлена сем відаў спорту, якія ўключаюць у сябе 15 зімовых спартыўных дысцыплін: тры каньковыя (фігурнае катанне, канькабежны спорт і шорт-трэк), шэсць лыжных (гарналыжны спорт, лыжны спорт, фрыстайл, лыжнае дваябор'е, скачкі з трампліна і сноўборд), дзве бабслейныя: бабслей і скелетон; а таксама біятлон, кёрлінг, хакей і саначны спорт.


Цяпер беларускія спартсмены змагаюцца за права выступіць у такіх відах спорту, як біятлон, фрыстайл, лыжныя гонкі, канькабежны спорт, шорт-трэк і фігурнае катанне. Плануецца, што нашы атлеты змогуць заваяваць 25—30 ліцэнзій.

Нагадаем, што беларускія спартсмены ўдзельнічаюць у зімовых Алімпійскіх гульнях з 1964 года. Першы медаль у скарбонку каманды прынесла ў 1968 годзе ў Грэноблі ў лыжных гонках Рыта Ачкіна. Самастойнай зборнай беларускія спартсмены пачалі выступаць на Гульнях у Лілехамеры ў 1994 годзе, дзе былі заваяваны дзве сярэбраныя ўзнагароды. Усяго ў актыве беларускіх спартсменаў 19 медалёў, з іх сем залатых. У складзе суверэннай каманды з 1994 па 2014 год заваявана 15 медалёў: шэсць залатых, чатыры сярэбраныя і пяць бронзавых.

* * *

Створаны аргкамітэт па падрыхтоўцы і ўдзеле беларускіх спартсменаў у зімовых Алімпійскіх гульнях — 2018 і зімовых Параалімпійскіх гульнях у Пхенчхане.

Адпаведнае распараджэнне падпісаў прэм'ер-міністр Беларусі Андрэй Кабякоў. Старшынёй аргкамітэта прызначаны намеснік прэм'ер-міністра Васіль Жарко.

Арганізацыйны камітэт пры неабходнасці ўпаўнаважаны прыцягваць да работы кіраўнікоў і спецыялістаў рэспубліканскіх органаў дзяржаўнага кіравання і іншых дзяржаўных арганізацый, падпарадкаваных ураду, а таксама аблвыканкамаў, Мінскага гарвыканкама і іншых арганізацый.

Да­р'я ЛА­БА­ЖЭ­ВІЧ

lobazhevich@zviazda.by

Дадаць каментар

Выбар рэдакцыі

Грамадства

Прэзідэнт добраўпарадкаваў Трафімаву крыніцу на Шклоўшчыне

Прэзідэнт добраўпарадкаваў Трафімаву крыніцу на Шклоўшчыне

Трафімава крыніца была адноўлена некалькі гадоў таму па даручэнні Прэзідэнта.

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Кіраўнікі дзяржорганаў будуць працаваць на суботніку на сваёй малой радзіме.

Грамадства

Мінфін устанавіў парадак пералічэння заробленых на суботніку сродкаў

Мінфін устанавіў парадак пералічэння заробленых на суботніку сродкаў

Пастанова апублікавана на Нацыянальным прававым інтэрнэт-партале.

Грамадства

Хобі звычайнага студэнта пераўтварылася ў інтэрактыўны музей

Хобі звычайнага студэнта пераўтварылася ў інтэрактыўны музей

Ці ведаеце вы, што першы ў свеце ноўтбук важыў больш за 20 кілаграмаў, а першы планшэт меў дыскавод для пяціцалёвых дыскет?