20 Люты, аўторак

Вы тут

У рэспублiканскiм суботнiку ўзяло ўдзел больш за 3 мiльёны беларусаў


Суботнiк прайшоў арганiзавана. У iм прыняла ўдзел больш за 3 мiльёны нашых грамадзян. Грашовых сродкаў, папярэдне, будзе пералiчана больш за 7 мiльёнаў рублёў. Гэтыя лiчбы большыя, чым у 2016 годзе», — падкрэслiў намеснiк прэм'ер-мiнiстра Беларусi Васiль Жарко, якi таксама прыняў удзел у пасадцы алеi ў Цэнтральным батанiчным садзе.


Фота: БЕЛТА

«Частка сродкаў (50%) застаецца ў распараджэннi Мiнфiна, астатнiя грошы — у распараджэннi аблвыканкамаў. I яны будуць накiраваныя на ўмацаванне матэрыяльна-тэхнiчнай базы цэнтраў дзiцячай творчасцi, на рэканструкцыю i аднаўленне аб'ектаў гiсторыка-культурнай спадчыны, стварэнне суб'ектаў iнавацыйнай дзейнасцi, рамонт, аднаўленне i падрыхтоўку да летняга сезона аздараўленчых дзiцячых лагераў», — растлумачыў ён.

Наш карэспандэнт падтрымала традыцыю добраўпарадкавання разам з жыхарамi Мiнскай вобласцi. Старшыня Мiнаблвыканкама Сямён Шапiра i памочнiк Прэзiдэнта па Мiнскай вобласцi Анатоль Iсачанка, а таксама члены аблвыканкама працавалi на будаўнiцтве новага дзiцячага сада на 230 месцаў у горадзе Стоўбцы. Супрацоўнiкi абласных службаў i арганiзацый добраўпарадкавалi розныя сацыяльныя аб'екты, ваенна-гiстарычныя помнiкi i мемарыяльныя комплексы, тэрыторыю Кiтайска-беларускага парка «Вялiкi камень».

Маштабна суботнiк прайшоў i ў Брэсцкай вобласцi. Асноўныя намаганнi ўдзельнiкаў былi сканцэнтраваны на добраўпарадкаваннi тэрыторый i навядзеннi парадку на зямлi. Па словах старшынi Брэсцкага аблвыканкама Анатоля Лiса, суботнiк для жыхароў вобласцi справа не аднаго дня. «Суботнiк жа не толькi сёння праходзiць — у нас дэкада iдзе», — удакладнiў ён. Так, працоўны дэсант на чале з кiраўнiком вобласцi ў суботу працаваў на будаўнiцтве другой чаргi транспартнай развязкi «Заходнi абыход Брэста». Пуцеправод даўжынёй у 2,5 км у перспектыве звяжа пагранпераходы «Варшаўскi мост» i «Казловiчы».

Плануецца, што заробленыя падчас працоўнай акцыi сродкi будуць накiраваны на добраўпарадкаванне памятных месцаў, падрыхтоўку дзiцячых аздараўленчых лагераў да летняга сезона. Частка сродкаў пойдзе на будаўнiцтва маладзёжнага патрыятычнага цэнтра ў Брэсцкай крэпасцi i выраб скульптур да тысячагоддзя Брэста.

Таццяна ЛАЗОЎСКАЯ

lazovskaya@zviazda.by

Веранiка ПУСТАВIТ

pustavit@zviazda.by

Загаловак у газеце: Навялi парадак талакой

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?