23 студзеня, аўторак

Вы тут

Цяпло вернецца на Радаўніцу


А сёння і заўтра з-за моцнага ветру аб'яўлены аранжавы ўзровень небяспекі.

Даволі некамфортнае надвор'е з дажджом і мокрым снегам чакаецца ў Беларусі ў выхадныя, паведамляе намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Святлана Рыбакова.


Яна адзначыла, што на гэтым тыдні ў краіне гаспадарыў скандынаўскі антыцыклон, які прынёс да нас халоднае, але пераважна без ападкаў надвор'е. Тэмпературны фон панізіўся і адпавядае другой палове сакавіка. Сёння з раніцы па паўночна-заходняй частцы Беларусі на тэрыторыю краіны завітаюць цыклоны атмасфернага фронту. Таму чакаюцца ападкі ў выглядзе дажджу і мокрага снегу, а таксама моцны парывісты вецер. Удзень будзе воблачна, а максімальная тэмпература паветра складзе 4—10 цяпла, па паўднёвым захадзе — да плюс 12 градусаў. Асобна сіноптыкі паведамляюць, што ў пятніцу ўдзень у паўночна-заходніх раёнах, а ў суботу амаль паўсюдна па краіне чакаецца ўзмацненне заходняга ветру парывамі да 15—20 м/с. Таму ў гэтыя два дні ў нас аб'яўлены аранжавы ўзровень небяспекі.

У многіх раёнах пройдуць кароткачасовыя дажджы і ў суботу, раніцай і ўдзень па паўночным захадзе з мокрым снегам. Аднак стане цяплей. Тэмпература паветра ўначы складзе 1—6 цяпла, а ўдзень — ад плюс 4 да плюс 11 градусаў. Чакаецца, што ў нядзелю ў Беларусь ізноў прыйдуць атмасферныя франты і больш халодныя паветраныя масы. Уначы пераважна ў паўночна-ўсходніх і паўднёва-заходніх раёнах, а ўдзень на большай частцы тэрыторыі краіны пройдуць кароткачасовыя ападкі (дождж і мокры снег). Тэмпература паветра ўначы складзе ад мінус 3 градусаў да 3 цяпла, удзень — 3—10 градусаў вышэй за нуль. Захаваецца няўстойлівае надвор'е і ў панядзелак. Уначы па паўночна-ўсходняй частцы краіны пройдуць невялікія ападкі ў выглядзе дажджу і мокрага снегу. Удзень па заходнім рэгіёне краіны чакаюцца кароткачасовыя дажджы. Тэмпература паветра ўначы ў панядзелак складзе ад мінус 4 градусаў да 2 цяпла, а ўдзень будзе ад плюс 5 да плюс 11 градусаў.

Паводле папярэдніх прагнозаў айчынных спецыялістаў, у аўторак на тэрыторыю Беларусі пачнуць паступаць цёплыя вільготныя паветраныя масы з паўднёвага захаду Еўропы, а ў паўночна-заходніх рэгіёнах краіны адаб'ецца ўплыў атмасферных франтоў. Менавіта таму па паўночным захадзе чакаюцца дажджы. Пацяплее. Уначы тэмпература паветра складзе ад нуля да плюс 6 градусаў, а ўдзень сонейка прыгрэе нават да 10—17 цяпла.

Сяргей КУРКАЧ

kurkасh@zvіаzdа.bу

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей.