30 Сакавік, чацвер

Вы тут

У Гомельскай абласной клінічнай бальніцы адкрылі прыёмнае аддзяленне


Праведзены рамонт кардынальна закрануў не толькі працоўныя месцы дзяжурных урачоў і медыцынскіх сясцёр, якія сёння абсталяваны персанальнымі камп'ютарамі, звязанымі ў адзіную бальнічную сетку. Каля ўвахода — крытая эстакада для заезду машын хуткай медыцынскай дапамогі. З улікам сучасных патрабаванняў тут створана безбар'ернае асяроддзе. Для кантролю дзейнасці ўсталявана сучасная відэа- і аўдыяапаратура.


Як расказала загадчыца аддзялення Людміла Скрэбнева, штодзень у аддзяленне звяртаецца каля 200 пацыентаў, прычым каля 40% з іх па экстраную дапамогу:

— У аддзяленні дадаткова створаны кабінеты ўльтрагукавога даследавання і электракардыяграфіі, што дазволіць больш аператыўна атрымліваць вынікі даследаванняў. Раней для правядзення такіх абследаванняў пацыентаў накіроўвалі ў аддзяленні стацыянара, якія размешчаны на розных паверхах.

На чарзе другі этап рэканструкцыі прыёмнага аддзялення. Як адзначыў намеснік галоўнага ўрача бальніцы Аляксандр Шукайлаў, у планах пашырэнне плошчаў, што дасць магчымасць падзяліць патокі планавых і экстранных пацыентаў. Да таго ж у аддзяленні павінен з'явіцца сучасны цэнтр тэлемедыцынскага кансультавання. З яго дапамогай можна будзе звязацца са сталічнымі калегамі, а ўрачам з раённых медустаноў аператыўна пракансультавацца ў абласных спецыялістаў. Другі этап рамонтных работ павінен завяршыцца сёлета ў верасні.

Ірына АСТАШКЕВІЧ

іost@zvіazda.by

Загаловак у газеце: Прыём пацыентаў пад пільным кантролем

Дадаць каментар

Выбар рэдакцыі

Грамадства

Як і чым бацька можа заняць дзіця?

Як і чым бацька можа заняць дзіця?

Што рабіць, застаўшыся з дзіцем сам-насам? Часта гэта становіцца праблемай нават для самых упэўненых у сабе мужчын.

Грамадства

Як дапамагчы асаблівым сем'ям перамяшчацца па горадзе

Як дапамагчы асаблівым сем'ям перамяшчацца па горадзе

У мінчаніна Дзмітрыя Кухціна ёсць уласная сям'я, бізнес, захапленні. А таксама вялікае і добрае сэрца.

Грамадства

«Калі жонка не адказвае ўзаемнасцю, прыгатуйце ёй страву з хрэнам»

«Калі жонка не адказвае ўзаемнасцю, прыгатуйце ёй страву з хрэнам»

У бізнес-лэдзі і шэф-кухара Алены Мікульчык у жыцці два захапленні — кулінарыя і мода.

Грамадства

З гісторыі першага парламента Расійскай імперыі

З гісторыі першага парламента Расійскай імперыі

Пра што даведалася наш карэспандэнт падчас прэс-тура «Друзья-Сябры» ў Санкт-Пецярбург.